اتىشۋلى ازىلكەش نۇرلان سابىروۆ تاعى دا داۋ ورتاسىندا. كۇنى كەشە ماسكەۋگە كىرە الماي، ەلگە قايتىپ كەلگەن كوميك رەسەيلىك باسكەسەرلەرگە قولداۋ بىلدىرگەنى ءۇشىن ۇزاق جىلعا سوتتالۋى مۇمكىن دەپ حابارلايدى Ertenmedia.kz.

تانىمال زاڭگەر باۋىرجان وڭعاروۆتىڭ ءمالىم ەتكەنىندەي، سابىروۆقا قاتىستى قىلمىستىق كودەكستىڭ «جالدامالى جەندەتتىك» تۋرالى 170-باپ 1-تارماعى بويىنشا قىلمىستىق ءىس قوزعالۋى مۇمكىن.

بۇل باپ بويىنشا ايىپتالۋشىعا 7 جىلدان 12 جىلعا دەيىنگى ارالىقتا جازا تاعايىندالادى. زاڭگەردىڭ ايتۋىنشا، رەسەيلىك «ۋاعنەر» جەكە اسكەري جاساعىنا قارجىلاي جانە ماتەريالدى قولداۋ كورسەتكەن سابىروۆتىڭ ارەكەتى الگى باپتىڭ تالابىنا تولىق سايكەس كەلەدى ءارى قىلمىسى تولىق دالەلدەنگەن.

جاقىندا الەمجەلىدە سابىروۆتىڭ ۋكراين جەرىندە نەبىر زۇلىمدىق جاساعان «ۋاعنەر يسترا» جاساقتارىنا 10 موتوتسيكل سىيلاعان ءساتى تاراپ كەتكەن ەدى. بۇدان بولەك كوميك سوعىسقا ارنالعان قورعا 2 ملن ءرۇبل اۋدارعان. ءتىپتى الگىلەرگە «جەڭىسپەن ورالۋدى» تىلەگەن ءساتى دە انىق كورىنەدى.

العاش رەت ۆيدەو رەسەيلىك تەلەگرام ارنالاردا تاراعان. سابىروۆتىڭ اينالاسىنداعى شۋ كۇشەيگەسىن روليك دەرەۋ وشىرىلگەن ەكەن. تاسپانى تەكسەرىپ شىققان Factcheck پورتالى ونىڭ شىنايى ەكەنىن راستاپ وتىر. كوميكتىڭ قازاقستانعا قايتىپ كەلگەنىنە جەرگىلىكتى قاۋىم دا اسا ءبىر قۋانىپ وتىرعان جوق. قازاقتىلدى اۋديتوريا ونىڭ قازاق ءتىلى تۋرالى ايتقان ورىنسىز ازىلدەرىن بەتىنە باسۋدا.

ايتا كەتەيىك، سابىروۆقا رەسەيگە كىرۋگە 50 جىلعا تىيىم سالىنعان. رەسەيدە ونىڭ تاپقان تابىسى 50 ميلليون رۇبلدەن اسىپ كەتكەن.

Abai.kz