باتىس قازاقستان وبلىسىنىڭ پروكۋراتۋراسى مەملەكەتتىك كاسىپورىنداردىڭ بىرىندە اسا ءىرى مولشەردە بيۋدجەت قاراجاتىن جىمقىرۋ فاكتىسىن انىقتادى.

الدىن الا مالىمەتتەرگە سايكەس، لۋدومانياعا شالدىققان كاسىپورىننىڭ بۋحگالتەرى كومپانيا قاراجاتىن زاڭسىز پايدالانىپ، ولاردى «1XBet» بۋكمەكەرلىك كەڭسەسىندە باسكە تىككەن. سونداي-اق ۇرلانعان اقشاعا جاڭا اۆتوكولىك ساتىپ العان.

مەملەكەتكە كەلتىرىلگەن جالپى زالال 118 ميلليون تەڭگەنى قۇرادى.

بوتەن مۇلىكتى اسا ءىرى مولشەردە زاڭسىز يەمدەنۋ فاكتىسى بويىنشا قازاقستان رەسپۋبليكاسى قىلمىستىق كودەكسىنىڭ 189-بابى 4-بولىگىنىڭ 2-تارماعىنا سايكەس سوتقا دەيىنگى تەرگەپ-تەكسەرۋ باستالدى. تەرگەۋدى ارنايى پروكۋرورلار جۇرگىزۋدە.

سوت سانكتسياسىمەن كۇدىكتى تەرگەۋ يزولياتورىندا قاماۋدا وتىر، اۆتوكولىككە تىيىم سالىندى.

اتالعان جاعداي ويىنعا تاۋەلدىلىكتىڭ مەملەكەت مۇددەلەرىنە ەلەۋلى زيان كەلتىرەتىن ۇرلىق جانە وزگە دە قىلمىستارعا الىپ كەلۋى مۇمكىن ەكەنىن كورسەتەدى.

ەسكە سالا كەتسەك، 2025 جىلى باتىس قازاقستان وبلىسىندا پروكۋراتۋرا ورگاندارىنىڭ قاداعالاۋ اكتىسى نەگىزىندە بۋكمەكەرلىك كەڭسەلەردە ءباس تىگۋگە قاتىسقانى ءۇشىن ءتۇرلى مەملەكەتتىك ورگانداردىڭ 16 قىزمەتكەرى جۇمىستان بوساتىلعان.

پروكۋراتۋرا بيۋدجەت قاراجاتىن زاڭسىز پايدالانۋدىڭ جولىن كەسۋ جانە انىقتاۋ بويىنشا جۇيەلى جۇمىستى جالعاستىرىپ، مەملەكەت پەن قوعام مۇددەلەرىن قورعاۋدا.

Abai.kz