جەكپە-جەك الەمىندەگى اسا بەدەلدى مامانداردىڭ ءبىرى، كسرو قۇراماسىن باسقارعان جالعىز قازاق سابىرجان عالىمجانۇلى ماحمەتوۆ ومىردەن ءوتتى. قارالى حاباردى جەكپە-جەك فەدەراتسياسى راستادى، دەپ حابارلايدى Egemen.kz.

ول  كيكبوكسينگ پەن جەكپە-جەك ونەرىن دامىتۋعا ولشەۋسىز ۇلەس قوسىپ، حالىقارالىق دەڭگەيدەگى سپورتشىلاردى تاربيەلەدى. سابىرجان عالىمجانۇلى كاسىبي بىلىكتىلىگىمەن، تالاپشىلدىعىمەن جانە سپورتقا دەگەن ادالدىعىمەن ەرەكشەلەندى.

ونىڭ جەتەكشىلىگىمەن تالاي ساڭلاق شىڭدالىپ، ەل نامىسىن ابىرويمەن قورعادى. سپورتقا سىڭىرگەن ەڭبەگى مەن ادامگەرشىلىك بولمىسى ارىپتەستەرى مەن شاكىرتتەرىنىڭ جۇرەگىندە ماڭگى ساقتالادى.

سابىرجان ماحمەتوۆتىڭ قايتىس بولۋى – قازاق ءارى الەمدىك سپورت ءۇشىن ورنى تولماس قازا. ونىڭ ەسىمى جەكپە-جەك تاريحىندا ماڭگى ساقتالادى.

Abai.kz