اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتىنىڭ الماتى وبلىسى بويىنشا جەر رەسۋرستارىن باسقارۋ دەپارتامەنتى قوناەۆ قالاسى اكىمدىگىنىڭ قىزمەتىنە جوسپاردان تىس تەكسەرۋ جۇرگىزدى. وعان جەر تەلىمدەرىن بەرۋگە قاتىستى ماسەلەلەر نەگىز بولعان.

تەكسەرۋ بارىسىندا جالپى اۋماعى 150 مىڭ گەكتار جەر تەلىمى تۇرعىن-ويىن-ساۋىق كەشەنىن جانە زوولوگيالىق پاركتى ورنالاستىرۋعا بەرىلگەنى انىقتالدى.

الايدا جەر بەرۋ كەزىندە جەر كودەكسىنىڭ تالاپتارى بۇزىلعان. اتاپ ايتقاندا، جەر تەلىمىن ءبولۋ قالا باس جوسپارىنىڭ ەرەجەلەرىنە قايشى كەلگەن.

قوناەۆ قالاسى اكىمدىگىنە بەرىلگەن نۇسقاما بەلگىلەنگەن مەرزىمدە ورىندالماعان.
وسىعان بايلانىستى پروكۋراتۋرا قوناەۆ قالاسىنىڭ سوتىنا تالاپ ارىزبەن جۇگىندى. سوت تالقىلاۋى بارىسىندا جەر رەسۋرستارىن باسقارۋ دەپارتامەنتىنىڭ وكىلدەرى ءۇشىنشى تاراپ رەتىندە قاتىسىپ، انىقتالعان بۇزۋشىلىقتار بويىنشا تۇسىندىرمە بەردى.

ءىستى قاراۋ قورىتىندىسى بويىنشا سوت تالاپ ارىزدى تولىق قاناعاتتاندىردى. سوت شەشىمىمەن كوممەرتسيالىق ماقساتتاعى جەر ۋچاسكەسى مەملەكەت مەنشىگىنە قايتارىلدى.

Abai.kz