قازاقستان رەسپۋبليكاسىنىڭ جاڭا كونستيتۋتسياسى جوباسى ەلىمىزدىڭ ستراتەگيالىق دامۋىنىڭ نەگىزگى باعىتتارىن ايقىنداي وتىرىپ، عىلىم مەن ءبىلىمنىڭ ءرولىن كۇشەيتۋگە باعىتتالعان ماڭىزدى قۇجات بولىپ تابىلادى. قۇجاتتا قۇقىقتىق مەملەكەت، الەۋمەتتىك ادىلەتتىلىك جانە تۇراقتى دامۋ قاعيداتتارىنىڭ بەكىتىلۋى عىلىمي الەۋەتتى ارتتىرۋعا جانە يننوۆاتسيالىق ەكونوميكانى قالىپتاستىرۋعا بەرىك نەگىز قالايدى.

جاڭا كونستيتۋتسيا جوباسىندا ءبىلىم مەن عىلىمدى ۇلتتىق باسىمدىق رەتىندە قاراستىرۋ، عىلىمي زەرتتەۋلەردىڭ ەركىندىگى مەن اكادەميالىق ادالدىق قاعيداتتارىن قولداۋ، سونداي-اق زياتكەرلىك مەنشىك قۇقىعىن قورعاۋ تەتىكتەرىن كۇشەيتۋ – ەلىمىزدىڭ عىلىمي ەكوجۇيەسىن دامىتۋعا وڭ اسەرىن تيگىزەدى. بۇل ءوز كەزەگىندە عىلىمي-زەرتتەۋ ينستيتۋتتارى مەن جوعارى وقۋ ورىندارىنىڭ باسەكەگە قابىلەتتىلىگىن ارتتىرىپ، حالىقارالىق عىلىمي كەڭىستىككە كىرىگۋىن جەدەلدەتەدى.

سونىمەن قاتار، تۇراقتى دامۋ، ەكولوگيالىق قاۋىپسىزدىك جانە تسيفرلىق ترانسفورماتسيا باعىتتارىنىڭ كونستيتۋتسيالىق دەڭگەيدە بەكىتىلۋى قولدانبالى جانە پانارالىق عىلىمي زەرتتەۋلەردىڭ دامۋىنا سەرپىن بەرەدى. عىلىمدى ءوندىرىس پەن كاسىپكەرلىكپەن ۇشتاستىرۋ ارقىلى يننوۆاتسيالىق ونىمدەردى ازىرلەۋ جانە كوممەرتسيالاندىرۋ مۇمكىندىگى كەڭەيەدى. بۇل ەل ەكونوميكاسىن ارتاراپتاندىرۋعا، جوعارى تەحنولوگيالىق وندىرىستەردى دامىتۋعا جانە ادام كاپيتالىن ساپالى دەڭگەيگە كوتەرۋگە ىقپال ەتەدى.

جالپى العاندا، جاڭا كونستيتۋتسيا جوباسى عىلىمدى ۇلتتىق دامۋدىڭ نەگىزگى درايۆەرلەرىنىڭ ءبىرى رەتىندە قاراستىرىپ، جاس عالىمداردى قولداۋ، عىلىمي ينفراقۇرىلىمدى جاڭعىرتۋ جانە حالىقارالىق عىلىمي ىنتىماقتاستىقتى نىعايتۋ ءۇشىن قۇقىقتىق جانە ينستيتۋتسيونالدىق نەگىز قالىپتاستىرادى. وسى تۇرعىدان العاندا، اتالعان جوبا قازاقستاننىڭ عىلىمي-تەحنولوگيالىق پروگرەسىن قامتاماسىز ەتۋگە باعىتتالعان زاماناۋي ءارى ستراتەگيالىق ماڭىزى بار باستى قۇجات.

Abai.kz