وبلىس اكىمى بەيبىت يساباەۆ جۇبايىمەن بىرگە تالدىقورعان قالاسىنىڭ ءىلياس جانسۇگىروۆ اتىنداعى مادەنيەت سارايىندا №389 رەفەرەندۋم ۋچاسكەسىندە داۋىس بەردى. ءوڭىر باسشىسى بۇل رەفەرەندۋمنىڭ قازاقستاننىڭ بولاشاعى ءۇشىن اسا ماڭىزدى ەكەنىن اتاپ ءوتتى، - دەپ، حابارلايدى جەتىسۋ وبلىسى اكىمىنىڭ ءباسپاسوز قىزمەتى.

- ەلدىڭ ازاماتى رەتىندە ءوزىمنىڭ كونستيتۋتسيالىق قۇقىعىمدى پايدالانىپ، جاڭا كونستيتۋتسيامىز بويىنشا ءوتىپ جاتقان رەفەرەندۋمعا قاتىسىپ، داۋىسىمدى بەردىم. مەن ەلىمىزدىڭ ءوسىپ-وركەندەۋى ءۇشىن، قازاقستاننىڭ بولاشاعى ءۇشىن داۋىس بەردىم، - دەدى وبلىس اكىمى بەيبىت يساباەۆ.

ايتا كەتەيىك، وڭىردەگى سايلاۋ قۇقىعىنا يە ادامداردىڭ سانى 437 مىڭنان اسادى، ونىڭ 2600-گە جۋىعى - العاش رەت داۋىس بەرۋشىلەر. وبلىستا 468 سايلاۋ ۋچاسكەسى بار، ولار تاڭعى ساعات 07:00-دەن باستاپ جۇمىس ىستەۋدە. ولاردىڭ 40-ى - اسكەري بولىمدەر، شەكارا زاستاۆاسى، مەديتسينالىق مەكەمەلەر مەن پەنيتەنتسيارلىق جۇيەلەر مەكەمەلەرى سياقتى داۋىس بەرۋشىلەردىڭ بەلگىلى ءبىر بولىگىنە ارنالعان نىساندار.  سايلاۋ ۋچاسكەلەرىنىڭ بارلىعى قاجەتتى ماتەريالدىق-تەحنيكالىق قۇرالدارمەن جابدىقتالعان: داۋىس بەرۋ كابينالارى، ستاتسيونارلى جانە جىلجىمالى جاشىكتەر دايىندالدى، سونداي-اق قوعامدىق باقىلاۋ جۇرگىزۋگە جاعداي جاسالعان.

ەرەكشە قاجەتتىلىگى بار جانداردىڭ كەدەرگىسىز داۋىس بەرۋىنە ايرىقشا كوڭىل ءبولىنىپ وتىر. اتاپ ايتقاندا، 467 ۋچاسكە ءبىرىنشى قاباتتا ورنالاسقان، تاكتيلدى كورسەتكىشتەر، پاندۋستار، مۇگەدەكتەر ارباسىن پايدالاناتىن ازاماتتارعا ارنالعان ارنايى كابينالار، سونداي-اق كورۋ قابىلەتى تومەن ادامدارعا ارنالعان ۇلكەيتكىشتەر مەن ترافارەتتەر ورناتىلعان. وبلىس ورتالىعىندا 33 «ينۆاتاكسي» كولىگى قىزمەت كورسەتۋدە، سونداي-اق 30 سۋردواۋدارماشى تارتىلعان.

رەفەرەندۋمنىڭ اشىقتىعى مەن زاڭدىلىعىن قامتاماسىز ەتۋ ماقساتىندا 479 رەفەرەندۋم كوميسسياسى جۇمىس ىستەيدى. ولاردىڭ 11-ءى اۋماقتىق، 468-ءى ۋچاسكەلىك كوميسسيالار. جالپى، داۋىس بەرۋ پروتسەسىن قاداعالاپ، ۇيىمداستىرۋشىلىق ءىس-شارالاردى جۇزەگە اسىرۋعا 2 989 كوميسسيا مۇشەسى قاتىسۋدا. رەفەرەندۋمدى باقىلاۋ ءۇشىن وبلىستا 6 قوعامدىق بىرلەستىك اككرەديتاتسيالانعان.

جالپى، بۇگىنگى كۇنى سايلاۋ ۋچاسكەلەرىنىڭ بارلىعى ستەندتەرمەن، اقپاراتتىق جانە مەتوديكالىق ماتەريالدارمەن، جاڭا كونستيتۋتسيا جوباسىنىڭ ەكى تىلدەگى نۇسقاسى باسىلعان پلاكاتتارمەن جابدىقتالعان. سايلاۋشىلاردى تىركەۋدى راستايتىن 186 ونلاين-سەرۆيس جانە تالدىقورعان قالاسىندا ۋاقىتشا تىركەۋ بويىنشا قالانىڭ 5 مەكتەبىندە 5 سەرۆيس اشىق تۇر.

داۋىس بەرۋگە ءبىرىنشى كەلگەن سايلاۋشىعا، سول سياقتى العاش رەت داۋىس بەرۋشى جانە جاسى ەڭ ۇلكەن سايلاۋشىعا ارنايى ەستەلىك سىيلىقتار قاراستىرىلعان. سونىمەن قاتار بۇگىن وبلىستىڭ اۋدان ورتالىقتارى مەن قالالارىندا قوعامدىق كولىكپەن ءجۇرۋ تەگىن.

جالپى، بارلىق سايلاۋ ۋچاسكەلەرى ساعات كەشكى 20.00-گە دەيىن جۇمىس ىستەيدى.

جەتىسۋ وبلىسى اكىمىنىڭ ءباسپاسوز قىزمەتى

Abai.kz