ءانشى قۋاندىق راحىم الماتىدا رەفەرەندۋمعا قاتىسىپ، داۋىس بەردى
الماتىدا تانىمال ەسترادا ءانشىسى قۋاندىق راحىم رەسپۋبليكالىق رەفەرەندۋمعا قاتىستى. ول تىركەلگەن رەفەرەندۋم ۋچاسكەسىنە بارىپ، داۋىس بەردى.
ءانشى رەفەرەندۋمعا قاتىسۋ ازاماتتىق جاۋاپكەرشىلىكتىڭ ماڭىزدى بەلگىسى ەكەنىن اتاپ ءوتتى.
«ءار ازاماتتىڭ داۋىسى — ەل بولاشاعىنا اسەر ەتەتىن ماڭىزدى تاڭداۋ. سوندىقتان مەن دە بۇگىن رەفەرەندۋمعا قاتىسىپ، ۇستانىمىمدى ءبىلدىردىم»، — دەدى قۋاندىق راحىم.
بۇگىن قازاقستاننىڭ بارلىق وڭىرىندە جالپىحالىقتىق رەفەرەندۋم ءوتىپ جاتىر. ەل تۇرعىندارى مەملەكەت ءۇشىن ماڭىزدى ماسەلەگە قاتىستى پىكىر ءبىلدىرۋ ءۇشىن داۋىس بەرۋ ۋچاسكەلەرىنە كەلىپ جاتىر.
Abai.kz
