كەگەن اۋدانىنىڭ   ورتالىعىنداعى رەفەرەندۋم  ۋچاسكەلەرىندە  داۋىس بەرۋشىلەر تولاسسىز كەلىپ جاتىر. قازاقستان رەسپۋبليكاسىنىڭ جاڭا كونستيتۋتتسياسىن  قابىلداۋ جونىندەگى جالپىحالىقتىق رەفەرەندۋمدا  ايماقتاعى تانىمال تۇلعالار  ساياسي ناۋقاننان شەت قالعان ەمەس.  ولاردىڭ قاتارىندا بەيجىڭ وليمپياداسىنىڭ كۇمىس جۇلدەگەرى، اۋدان اكىمى نۇرباقىت تەڭىزباەۆتا بار.

سپورتشى ءوزىنىڭ قۇقىعىن پايدالانىپ، تاڭداۋ جاساۋ ءۇشىن ءو.جاڭاباەۆ اتىنداعى ورتا  مەكتەپتە ورنالاسقان №558 رەفەرەندۋم  ۋچاسكەسىندە  ءوز داۋىسىن بەردى.

سپورتشىنىڭ ايتۋىنشا، بۇگىنگى كۇننىڭ ەل تاريحى ءۇشىن ماڭىزى زور. ناعىز پاتريوت مۇنداي ماڭىزدى شارادان شەت قالماۋلارى ءتيىس،  حالىق تاڭداۋىمەن تارازىلاناتىن بۇل سىندا ەلىمىزدىڭ دامۋى ءۇشىن ارتىلار ءۇمىت كوپ. سوندىقتان ءاربىر ازاماتتىڭ داۋىسى ماڭىزدى ەكەنىن اتاپ ءوتتى.

Abai.kz