بۇل تۋرالى ءماجىلىس سپيكەرى, «AMANAT» پارتياسىنىڭ توراعاسى ەرلان قوشانوۆ كاسىپكەرلىك ماسەلەلەرى جونىندەگى ۇيلەستىرۋ كەڭەسىنىڭ كەڭەيتىلگەن وتىرىسىندا مالىمدەدى. ءىس-شاراعا مىڭداعان كومپانيا مەن ميلليونداعان ادامدى بىرىكتىرەتىن بيزنەس-قوعامداستىق پەن ءىرى سالالىق قاۋىمداستىقتاردىڭ وكىلدەرى قاتىستى. پارتيا مەن بيزنەس ەلدىڭ تۇراقتى ءارى ورنىقتى دامۋى ءۇشىن، كاسىپكەرلەرگە جاڭا مۇمكىندىكتەر جاساۋ، ەكونوميكانىڭ ءوسۋىن قامتاماسىز ەتۋ جانە قازاقستاندىقتاردىڭ تابىسىن ارتتىرۋ باعىتىندا بىرلەسىپ جۇمىس ىستەيتىن بولادى. وتىرىسقا پارتيانىڭ وڭىرلىك فيليالدارى بەينەكونفەرەنتسبايلانىس ارقىلى قوسىلدى.

سۋرەت: ءالي عالىم.

ءوز سوزىندە ەرلان قوشانوۆ كەيىنگى جىلدارى پرەزيدەنت جاڭا مەملەكەتتىك مودەلدى دايەكتى تۇردە قالىپتاستىرىپ وتىرعانىن اتاپ ءوتتى. ول – قۋاتتى ەكونوميكاعا، ادىلدىككە جانە جۇمىس ورىندارىن اشىپ، ينۆەستيتسيا تارتاتىن، ەلدى العا جەتەلەيتىن كاسىپكەرلەردى ناقتى قولداۋعا باعىتتالعان. رەفەرەندۋمدا ازاماتتار كەڭىنەن قولداعان جاڭا كونستيتۋتسيا وسى باعىتتى ساياسي ءارى قيسىندى تۇرعىدا بەكىتتى. بۇل رەتتە پارتيا مەن بيزنەستىڭ ورتاق ماقساتى – پروگرەسسيۆتى ءارى ادىلەتتى قازاقستان قۇرۋ. سوندىقتان «AMANAT» بيزنەس وكىلدەرىمەن كۇش بىرىكتىرىپ، ەل مەن ونىڭ ازاماتتارىنىڭ يگىلىگى جولىندا بىرلەسىپ جۇمىس ىستەۋگە دايىن.

«پارتيانىڭ تاجىريبەسى، الەۋەتى جانە جۇمىس ىستەۋگە دەگەن ۇمتىلىسى بار. ءبىز ءاردايىم پرەزيدەنت ساياساتىنىڭ الدىڭعى شەبىندەمىز. ەل تاريحىنداعى ماڭىزدى كەزەڭدەردە ساياسي ينستيتۋتتاردىڭ باسىن بىرىكتىرىپ كەلەمىز. بەلسەندى ازاماتتارعا ارنالعان جۇمىس الاڭدارىمىز بار. جاستار قاناتى مەن ايەلدەر قاناتى جۇمىس ىستەيدى. ولار ەل اۋماعىندا ونداعان مىڭ ادامدى بىرىكتىرەدى. بۇل – پارتيامىزدىڭ وزەگىن قۇرايتىن ەلەكتورات.بيزنەس تە پارتيانى ءوز سەرىكتەسى رەتىندە كورۋى كەرەك. بىزگە سەنىم ءبىلدىرىپ، مۇندا ولاردىڭ داۋىسى ەستىلەتىنىنە، ماسەلەلەرى ناقتى قارالىپ، شەشىمىن تاباتىنىنا كوز جەتكىزۋى قاجەت. سوندىقتان پارتيانىڭ جەكە كاسىپكەرلەر قاناتىن قۇرۋدى ۇسىنامىن», – دەدى پارتيا توراعاسى.

ەرلان قوشانوۆ پارتيانىڭ بيزنەسپەن بىرلەسكەن جۇمىسىندا ەلەۋلى تاجىريبە جيناقتاعانىن اتاپ ءوتتى. بۇل باعىتتا بيزنەستىڭ مۇددەسىن جۇيەلى قورعاۋ جانە كاسىپكەرلەر قاۋىمداستىعىمەن تۇراقتى ديالوگ ورناتۋ ىسىندە ءتيىمدى الاڭعا اينالعان پارتيا جانىنداعى ۇيلەستىرۋ كەڭەسى ماڭىزدى ءرول اتقارادى. 30-دان استام وتىرىس وتكىزىلىپ، وندا نارىققا قول جەتكىزۋ مەن قارجىلاندىرۋدان باستاپ، سالىقتىق جانە ينفراقۇرىلىمدىق رەتتەۋگە دەيىنگى 190-كە جۋىق ماسەلە قارالدى. كەڭەستىڭ ءتيىمدى جۇمىسىنا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعاريننىڭ تەڭ توراعا رەتىندە تىكەلەي قاتىسۋى ىقپال ەتۋدە.

ءوڭىرلەردە دە وسىنداي پارتيالىق كەڭەستەر بەلسەندى جۇمىس ىستەيدى. جاقىن ارادا كەڭەستەر جەرگىلىكتى بيزنەستىڭ پروبلەمالىق ماسەلەلەرىنىڭ ءتىزىلىمىن قالىپتاستىرىپ، اكىمدىكتەر مەن بارلىق مۇددەلى مەملەكەتتىك ورگانداردىڭ قاتىسۋىمەن ولاردى جۇيەلى تۇردە شەشۋگە كۇش سالادى. قاجەت بولعان جاعدايدا بۇل ماسەلەلەر رەسپۋبليكالىق دەڭگەيگە شىعارىلادى. پارتيا وڭىرلىك كەڭەستەر جۇمىسىنا ەڭ بەلسەندى كاسىپكەرلەردى تارتاتىن بولادى. الداعى ۋاقىتتا ولار پارتيانىڭ كادرلىق رەزەرۆىنە ەنگىزىلەدى.

«AMANAT» پارتياسى سونداي-اق بيزنەسكە قولداۋ كورسەتۋدىڭ تسيفرلىق قۇرالدارىن كۇشەيتۋدە. «Ashyk Amanat» اناليتيكالىق پلاتفورما ىسكە قوسىلادى. بۇل سەرۆيس ەلىمىزدەگى كاسىپكەرلەردىڭ پروبلەمالىق ماسەلەلەرىن بىرىكتىرىپ، پارتيا، ۇكىمەت جانە بيزنەس قاۋىمداستىعى اراسىنداعى ناقتى ءارى ءتيىمدى ديالوگتىڭ قۇرالىنا اينالۋعا ءتيىس.

ءماجىلىس توراعاسى بيزنەس وكىلدەرىمەن بەلسەندى جۇمىستى ماجىلىستەگى پارتيا فراكتسياسى جۇرگىزىپ وتىرعانىن اتاپ ءوتتى. پارلامەنتتە كوپشىلىك داۋىسقا يە فراكتسيا رەتىندە كاسىپكەرلىكتى قولداۋعا، اشىقتىقتى ارتتىرۋعا جانە اكىمشىلىك كەدەرگىلەردى ازايتۋعا باعىتتالعان زاڭداردى جەتىلدىرىپ، ولاردىڭ ورىندالۋىن باقىلايدى. ماسەلەن، بيزنەس قاۋىمداستىقپەن جانە«اتامەكەن» ۇكپ-مەن پاندىك ديالوگ جاڭا سالىق، قۇرىلىس كودەكستەرى، مەملەكەتتىك ساتىپ الۋ تۋرالى زاڭ جوبالارىن ازىرلەۋ كەزىندە قۇرىلدى.

جاڭا كاسىپكەرلەر قاناتىنىڭ قىزمەتى اياسىندا بۇل ءوزارا ءىس-قيمىل جۇيەلى تۇردە كۇشەيتىلەتىن بولادى. فراكتسيادا بيزنەس سالاسىنداعى بەلسەندىلەرمەن تۇراقتى بايلانىس ورناتاتىن جاۋاپتى دەپۋتاتتار بەكىتىلەدى. ولار كاسىپكەرلەر باستامالارىن زاڭنامالىق تەتىكتەر مەن دەپۋتاتتىق ساۋالدار ارقىلى ىلگەرىلەتىپ، زاڭ جوبالارىن ازىرلەۋ جونىندەگى جۇمىس توپتارىنا بيزنەس وكىلدەرىن تارتۋمەن اينالىسادى.

وتىرىس بارىسىندا قر پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين كاسىپكەرلەردىڭ وتىنىشتەرىمەن جۇمىس جۇيەلى وزگەرىستەرگە الىپ كەلۋگە ءتيىس ەكەنىن اتاپ ءوتتى. ونىڭ ايتۋىنشا، بۇگىندە باستى مىندەتى – جەكەلەگەن ماسەلەلەرگە جاۋاپ بەرۋدەن ەرەجەلەر مەن رەتتەۋ دەڭگەيىندەگى شەشىمدەرگە كوشۋ.

ءىس-شارادا قازاقستاننىڭ قايتالاما شيكىزاتتى قايتا وڭدەۋشىلەر قاۋىمداستىعىنىڭ توراعاسى باتىربەك اۋباكىروۆ، «Petrocouncil» قازاقستاننىڭ مۇناي-گاز كەڭەسى» قاۋىمداستىعىنىڭ تەڭ توراعاسى سەرىك امانعاليەۆ، «الپريما» جشس باس ديرەكتورى اندرەي دەگۋنكوۆ، «قازاقستان ينۆەستورلار وداعى» قاۋىمداستىعىنىڭ باسقارما توراعاسى رۋستام ءجۇرسىنوۆ جانە وزگە دە ازاماتتار ءسوز سويلەدى.

كەزدەسۋ قورىتىندىسى بويىنشا ءىرى بيزنەس پەن شوب وكىلدەرى پارتيا قاتارىنا قابىلداندى. وسىلايشا قر ساۋدا جەلىلەرى وداعى باسقارما توراعاسىنىڭ ورىنباسارى ەلبەگي ابديەۆ، قازاقستاندىق سالىق كەڭەسشىلەرى قاۋىمداستىعىنىڭ مۇشەسى ايجان بالاكەشوۆا جانە «Integra Construction KZ» جشس اكتسيونەرى ءمۇتالىپ شاحمۇرات «AMANAT» پارتياسىنىڭ مۇشەسى بولدى. سونداي-اق قازاقستان IT كومپانيالارى قاۋىمداستىعىنىڭ پرەزيدەنتى، ۇيلەستىرۋ كەڭەسىءنىڭ مۇشەسى ايىمگۇل ءابىلەۆا، «Energy Monitor» قوعامدىق قورىنىڭ اتقارۋشى ديرەكتورى نۇرلان جۇماعۇلوۆ، «اتامەكەن» ۇكپ وڭدەۋشى ونەركاسىپ كوميتەتىنىڭ توراعاسى قانات يبراەۆ, «فارممەديندۋستريا قازاقستان» قاۋىمداستىعىنىڭ پرەزيدەنتى رۋسلان سۇلتانوۆ جانە «قازاقستان ەلەكترەنەرگەتيكاسى اسسوتسياتسياسى» باسقارما توراعاسى تالعات تەمىرحانوۆ پارتيا قاتارىنا قوسىلدى.

كەزدەسۋ قورىتىندىسى بويىنشا مەملەكەت باسشىسىنىڭ العىس حاتتارى مەن پارتيالىق ناگرادالارى پارتيا جانىنداعى ۇيلەستىرۋ كەڭەسىنىڭ مۇشەلەرىنە جانە بيزنەس-قوعامداستىق وكىلدەرىنە ەل دامۋىنا قوسقان ۇلەسى ءۇشىن سالتاناتتى تۇردە تابىس ەتىلدى.

«AMANAT» پارتياسىنىڭ بءاسپاسوز قىزمەتى

Abai.kz