مەملەكەت باسشىسى بۇگىن عىلىم سالاسىندا ەڭبەك ەتىپ جۇرگەن عالىمدارعا قۇرمەت كورسەتىپ، ارنايى توسبەلگىمەن ماراپاتتادى.

سوڭعى جىلدارى قازاقستاندا عىلىم سالاسى قارقىندى دامىپ كەلەدى. اسىرەسە، جاساندى ينتەللەكت سالاسى ەرەكشە نازارعا الىنىپ، ونى ءتۇرلى سالادا قولدانۋ باعىتىندا ناقتى جوبالار ىسكە اسۋدا.

بۇل باعىتتىڭ نەگىزى – ماتەماتيكا. قازاقستاندا مىقتى ماتەماتيكالىق مەكتەپ قالىپتاسقان، ال سونىڭ نەگىزىندە كومپيۋتەرلىك عىلىمدار دا دامىپ كەلەدى. سونىمەن قاتار، جاقىندا اشىلعان ءىرى داتا-ورتالىقتار جاساندى ينتەللەكت جوبالارىن جۇزەگە اسىرۋعا ۇلكەن مۇمكىندىك بەرىپ وتىر. سوندىقتان ەلىمىزدە جاساندى ينتەللەكت سالاسى جاقسى دەڭگەيدە دامىپ كەلەدى دەپ ايتۋعا تولىق نەگىز بار، - دەيدى بەيبىت ابدىكەن.

بەيبىت ابدىكەن – استانا IT ۋنيۆەرسيتەتىنىڭ جاساندى ينتەللەكت جانە عىلىمي-يننوۆاتسيالىق ورتالىعىنىڭ ديرەكتورى، اسسيستەنت پروفەسسورى.  ونىڭ عىلىم سالاسىندا 12 جىلدىق تاجىريبەسى بار. عالىم بۇگىن مەملەكەت باسشىسىنىڭ جارلىعىمەن «ەرەن ەڭبەگى ءۇشىن» مەدالىمەنناگرادتالدى.

نەگىزگى عىلىمي باعىتىم – جاساندى ينتەللەكت جانە ونىڭ ءتۇرلى سالالاردا قولدانىلۋى. عىلىمي ديسسەرتاتسيالىق جۇمىسىم قاتەرلى ىسىكتى بولجاۋدىڭ ماتەماتيكالىق مودەلىنە ارنالعان. قازىرگى ۋاقىتتا دا وسى باعىتتاعى زەرتتەۋلەردى جالعاستىرىپ كەلەمىز. سونىمەن قاتار نەيروعىلىم، ياعني ميدىڭ سيگنالدارىن تالداۋ جانە بولجاۋ بويىنشا جوبالارمەن دە اينالىسامىز، - دەيدى ول.

سونداي-اق پروفەسسور مەملەكەتتەن عالىمدارعا كورسەتىلىپ جاتقان مۇنداي قۇرمەت ولاردى قاناتتاندىراتىنىن ايتادى.

بۇگىنگى الىپ وتىرعان ماراپاتىمىز ءبىز ءۇشىن وتە ماڭىزدى. بۇل – عالىمداردىڭ ەڭبەگى ەلەنىپ، عىلىمنىڭ ەل ءۇشىن ماڭىزى جوعارى ەكەنىن كورسەتەدى. الداعى ۋاقىتتا دا ءىرى عىلىمي جوبالاردى جۇزەگە اسىرىپ، ولاردىڭ ناتيجەسى ەل يگىلىگىنە قىزمەت ەتەدى دەپ سەنەمىز، - دەيدى ول.

 ابدىكەنوۆ بولاشاقتا دا جاڭا عىلىمي جاڭالىقتار اشۋعا جانە وسى باعىتتاعى جۇمىستاردى ودان ءارى ىلگەرىلەتۋگە نيەتتى ەكەنىن جەتكىزدى.

Abai.kz