استانادا ەسىل اۋدانى پروكۋراتۋراسىنىڭ باستاماسىمەن قۇقىقتىق ساۋاتتىلىقتى ارتتىرۋعا جانە ازاماتتاردىڭ بىلىكتى زاڭ كومەگىنە قولجەتىمدىلىگىن كەڭەيتۋگە باعىتتالعان «حالىق زاڭگەرى» الەۋمەتتىك اكتسياسى ءوتتى، دەپ حابارلايدى قالا اكىمدىگىنىڭ رەسمي سايتى.

ءىس-شارا «كەرۋەن» ساۋدا ويىن-ساۋىق ورتالىعىندا «زاڭ مەن ءتارتىپ» قاعيداتىن جۇزەگە اسىرۋ اياسىندا ءوتتى.

اكتسيانىڭ باستى ماقساتى – ەلوردا تۇرعىندارىنا تەگىن زاڭگەرلىك كەڭەس بەرۋ، وزەكتى قۇقىقتىق ماسەلەلەردى جەدەل شەشۋگە كومەكتەسۋ، سونداي-اق زاڭنامانى ودان ءارى تالداۋ مەن جەتىلدىرۋدى تالاپ ەتەتىن جۇيەلى پروبلەمالاردى انىقتاۋ.

الاڭ جۇمىسىنا 20-عا جۋىق مەملەكەتتىك ورگان، قوعامدىق بىرلەستىكتەر مەن بەيىندى ۇيىمدار قاتىستى.

ماماندار ازاماتتارعا تۇرعىن ءۇي قۇقىعى، الەۋمەتتىك قامسىزداندىرۋ، ەڭبەك قاتىناستارى، وتباسى زاڭناماسى جانە باسقا دا باعىتتار بويىنشا كەڭەس بەردى. اكتسيا اياسىندا 100-دەن استام ادام زاڭگەرلىك قولداۋ الدى.

اكتسيا ەلوردانىڭ بارلىق اۋدانىندا ءوز قىزمەتىن جالعاستىرىپ، ەلوردانىڭ ءاربىر تۇرعىنى ءۇشىن بىلىكتى زاڭ كومەگىنىڭ قولجەتىمدىلىگىن قامتاماسىز ەتەدى.

Abai.kz