الماتى قالاسى ءدىن ىستەرى جونىندەگى باسقارماسى (كەلەسى – ءدىجب) ازاماتتاردى قورلايتىن ماتەريالداردى تاراتقانى ءۇشىن ءوزىن «ۇستاز» دەپ اتايتىن نۇرجان سماعۇلوۆتى اكىمشىلىك جاۋاپكەرشىلىككە تارتتى.

ءوزىن ءدىني «ۇستاز» رەتىندە تانىستىراتىن ن.سماعۇلوۆ Instagram الەۋمەتتىك جەلىسىندە ازاماتتاردى قورلاۋ بەلگىلەرى بار پىكىرلەر ايتىلعان ۆيدەوماتەريالداردى جاريالاعان، اتاپ ايتقاندا ولاردى «سيىرلارمەن» سالىستىرعان.

اتالعان فاكتى بويىنشا ءدىجب قىزمەتكەرلەرى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 490-بابى 1-تارماعىنىڭ 3) تارماقشاسىنا سايكەس اكىمشىلىك حاتتاما جاسادى.
سوت شەشىمىمەن ن.سماعۇلوۆ اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلدى. وعان 25 ايلىق ەسەپتىك كورسەتكىش (اەك) مولشەرىندە، ياعني 108 125 تەڭگە كولەمىندە ايىپپۇل تۇرىندە اكىمشىلىك جازا تاعايىندالدى.

قازاقستان رەسپۋبليكاسىنىڭ زاڭناماسىن ساقتاۋدىڭ ماڭىزدىلىعىن، سونداي-اق باسقا ازاماتتاردىڭ سەنىمدەرى مەن دۇنيەتانىمىنا قۇرمەتپەن قاراۋ قاجەتتىگىن ەسكە سالامىز.

Abai.kz