11 ءساۋىر 2026 جىل، شىمكەنت قالاسى. بۇگىن شىمكەنت قالاسىنداعى «تۇركىستان سارايى» كونتسەرت زالىندا شىمكەنت قالاسى اكىمدىگى مەن «اۋىل» پارتياسىنىڭ ۇيىمداستىرۋىمەن I حالىقارالىق «AUYL INVEST FEST. بالىق شارۋاشىلىعى - 2026» فەستيۆالى ءوتتى. اۋقىمدى شارانىڭ باستى ماقساتى - مەملەكەت باسشىسى قاسىم-جومارت توقاەۆتىڭ اۋىل شارۋاشىلىعىن ءارتاراپتاندىرۋ جانە اۋىل حالقىنىڭ تابىسىن ارتتىرۋ ءۇشىن ءتيىمدى بيزنەس باعىتتارىن ەنگىزۋ جونىندەگى تاپسىرمالارىن ىسكە اسىرۋ.​​​​​​​​​​پرەزيدەنتتىڭ ستراتەگيالىق باعدارىنا سايكەس، يندۋستريالىق اكۆامادەنيەت اۋىل ەكونوميكاسىن وركەندەتۋدىڭ باستى درايۆەرى رەتىندە ايقىندالعان. فەستيۆالگە فرانتسيا، دانيا، چەحيا، رەسەي، وزبەكستان جانە قىرعىزستاننان كەلگەن الەمدىك دەڭگەيدەگى ساراپشىلار، پارلامەنت دەپۋتاتتارى مەن 1000-نان استام كاسىپكەر قاتىسىپ، سالانى شيكىزاتتىق باعىتتان جوعارى تەحنولوگيالىق يندۋسترياعا اينالدىرۋ جولدارىن تالقىلادى.​​​​​​​​جيىننىڭ اشىلۋىندا شىمكەنت قالاسى اكىمىنىڭ ورىنباسارى ايدىن كارىموۆقالانىڭ ەكسپورتتىق لوگيستيكالىق حاب رەتىندەگى الەۋەتىن تانىستىرسا، قر پارلامەنتى ءماجىلىسىنىڭ دەپۋتاتى، «اۋىل» پارتياسىنىڭ توراعاسى سەرىك ەگىزباەۆ سالاعا قاجەتتى زاڭنامالىق وزگەرىستەردى اتاپ ءوتتى.​​​​​​​​​«ءبىز فەرمەرلەردىڭ زاماناۋي تۇيىق سۋمەن جابدىقتاۋ قوندىرعىلارىنا (ۋزۆ) كوشۋىن قولداۋ ءۇشىن جۇيەلى قۇقىقتىق نەگىز قالىپتاستىرىپ جاتىرمىز. بۇل - اۋىل حالقىنىڭ تابىسىن ارتتىرۋدىڭ توتە جولى»، – دەدى س. ەگىزباەۆ.​​​​​فورۋم اياسىندا بالىق شارۋاشىلىعى قازاقستان ەكونوميكاسىنىڭ ەڭ پەرسپەكتيۆالى درايۆەرى ەكەنى دالەلدەندى. ماسەلەن، 2025 جىلدىڭ قورىتىندىسى بويىنشا ەلىمىزدە بالىق ونىمدەرى نارىعى 132 مىڭ تونناعا جەتىپ، ءبىر جىلدا 29%-عا وسكەن. دەگەنمەن، ساراپشىلار ىشكى نارىقتىڭ الەۋەتى ءالى دە تولىق پايدالانىلماي وتىرعانىن ايتادى: قازاقستاندا جان باسىنا شاققانداعى بالىق تۇتىنۋ جىلىنا 7 كگ قۇراسا، ددۇ ۇسىنعان مەديتسينالىق نورما - 14,5 كگ. بۇل وتاندىق وندىرۋشىلەر ءۇشىن ءوسىمنىڭ ۇلكەن كەڭىستىگى بار ەكەنىن كورسەتەدى.​​​​حالىقارالىق ساراپشىلار ۆەنسان بەرجە (فرانتسيا) مەن توماش پوليتسار (چەحيا) ەۋروپالىق ستاندارتتار بويىنشا فورەل مەن كوكسەركە ءوسىرۋ تاجىريبەسىمەن بولىسسە، دانيالىق «Aller Aqua» كومپانياسى جەم تيىمدىلىگىنىڭ يننوۆاتسيالىق شەشىمدەرىن ۇسىندى. وسى الاڭدا وتاندىق جانە شەتەلدىك ماماندار اراسىندا قىزۋ تاجىريبە الماسۋ ءجۇرىپ، يندۋستريالىق اكۆامادەنيەتتى دامىتۋدىڭ ناقتى جولدارى تالقىلاندى. اسىرەسە، بالىقتىڭ انالىق باسىن باسقارۋ، «بالىق مەكتەپتەرىن» اشۋ جانە اگروتۋريزمدى دامىتۋ جوبالارى كاسىپكەرلەردىڭ ۇلكەن قىزىعۋشىلىعىن تۋدىردى.​​​​​فەستيۆال قورىتىندىسى بويىنشا قابىلدانعان ماڭىزدى قۇجاتتا سالانىڭ 2030 جىلعا دەيىنگى دامۋ كارتاسى ايقىندالدى. نەگىزگى ماقسات – بالىق ءوسىرۋ كولەمىن جىلىنا 270 مىڭ تونناعا, ال ەكسپورتتى 181 مىڭ تونناعا($430 ملن) جەتكىزۋ. بۇل مىندەتتەردى ورىنداۋ ءۇشىن مەملەكەتتىك قولداۋ شارالارى دا كۇشەيتىلمەك: 2026 جىلى سۋبسيديالار كولەمى 5,3 ملرد تەڭگەگە جەتتى. سونىمەن قاتار، يمپورتقا تاۋەلدىلىكتى جويۋ ءۇشىن ەلىمىزدە كەمىندە 5 بالىق ازىعىن شىعاراتىن زاۋىت سالۋ، جابدىقتاردى 5-6%-بەن جەڭىلدىكپەن كرەديتتەۋ جانە «بالىق شارۋاشىلىعى» ماماندىعىنا مەملەكەتتىك گرانتتاردى 400-گە دەيىن ۇلعايتۋ ۇسىنىلدى.​​​​​​​​​​شارا سوڭىندا «AUYL INVEST FEST - 2026» قاتىسۋشىلارى بالىق شارۋاشىلىعىن تسيفرلاندىرۋ، «E-fish» جۇيەسىن ەنگىزۋ جانە براكونەرلىكپەن كۇرەستى كۇشەيتۋ ارقىلى سالانى اشىق ءارى تابىستى بيزنەس ورتاسىنا اينالدىرۋ تۋرالى ورتاق شەشىمگە كەلدى. فەستيۆالدىڭ قورىتىندى رەزوليۋتسياسى ءتيىستى مەملەكەتتىك ورگاندار مەن قر ۇكىمەتىنە جولداندى.

بايلانىس تەلەفونى:

 ايگەرىم سارسەنباەۆا: +7 747 160 63 90​​​​​​قۋانىش ماحمەتوۆ: +7 776 662 22 96

Abai.kz