بالقاش كولى جاعالاۋىندا زاڭسىز بەرىلگەن جەر ۋچاسكەلەرى مەملەكەت مەنشىگىنە قايتارىلدى

تەكسەرۋ بارىسىندا بالقاش كولىنە جاقىن ورنالاسقان سۋ قورعاۋ ايماعىندا جالپى اۋدانى 12 گەكتاردى قۇرايتىن 24 جەر ۋچاسكەسىنىڭ جەر زاڭناماسى تالاپتارىن بۇزا وتىرىپ، كوممەرتسيالىق ماقساتتا بەرىلگەنى انىقتالدى، دەپ حابارلايدى قر اۋىل شارۋاشىلىعى مينيسترلىگىنىڭ ءباسپاسوز قىزمەتى.

وسىعان بايلانىستى دەپارتامەنت سارقان اۋداندىق سوتىنا سارقان اۋدانى اكىمدىگىنىڭ قاۋلىلارىن، سونداي-اق اتالعان جەر ۋچاسكەلەرى بويىنشا ساتىپ الۋ-ساتۋ شارتتارىن جارامسىز دەپ تانۋ تۋرالى تالاپ قويۋ ارىزىمەن جۇگىندى.

سوت دەپارتامەنتتىڭ تالاپ قويۋ ارىزىن تولىق كولەمدە قاناعاتتاندىردى، ناتيجەسىندە بالقاش كولى جاعالاۋىندا ورنالاسقان جالپى اۋدانى 12 گەكتار بولاتىن جەر ۋچاسكەلەرى مەملەكەت مەنشىگىنە قايتارىلدى.

Abai.kz