ۇكىمەت مەملەكەت باسشىسى قاسىم-جومارت توقاەۆتىڭ تاپسىرماسىن جۇزەگە اسىرۋ اياسىندا شىعىس قازاقستان وبلىسى ريددەر قالاسىنداعى جىلۋ جەلىلەرى مەن جەو جابدىقتارىن جوندەۋگە رەزەرۆتەن شامامەن 1,8 ملرد تەڭگە ءبولدى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى.

قاراجات قالانى جىلۋمەن قامتۋ سەنىمدىلىگىن ارتتىرۋعا جانە ينفراقۇرىلىمدى 2026-2027 جىلدارداعى جىلىتۋ ماۋسىمىنا دايىنداۋعا جۇمسالادى. بولىنگەن قارجى جىلۋ جەلىسىنىڭ توزىعى جەتكەن 12 ۋچاسكەسىنە، سونداي-اق ريددەر جەو-داعى №5 جانە №6 قازاندىق اگرەگاتتارىندا كۇردەلى جوندەۋ جوبالارىن اياقتاۋعا باعىتتالادى.

جۇمىستاردى جۇرگىزۋ قاجەتتىلىگى تەحنيكالىق تەكسەرۋ ناتيجەلەرىمەن راستالدى. ماماندار جىلۋ جۇيەسىنىڭ تۇراقتى جۇمىسىن قامتاماسىز ەتۋ ءۇشىن ءبىرىنشى كەزەكتە جوندەۋدى قاجەت ەتەتىن ۋچاسكەلەر مەن جابدىقتاردى انىقتادى. وتكەن جىلىتۋ ماۋسىمى بارىسىندا جەكەلەگەن ۋچاسكەلەردە زاقىمدانۋلار مەن توزۋ بەلگىلەرى انىقتالىپ، ولاردى جوسپارلى تۇردە جاڭارتۋ قاجەتتىلىگى دالەلدەندى.

قازاندىق اگرەگاتتارى مەن جىلۋ جەلىلەرىن جوندەۋ جىلۋ جۇيەسىنىڭ تۇراقتى جۇمىسىن ارتتىرىپ، قالا تۇرعىندارىن جىلۋمەن قامتۋدىڭ سەنىمدىلىگىن جاقسارتۋعا مۇمكىندىك بەرەدى.

Abai.kz