«دامۋ» كاسىپكەرلىكتى دامىتۋ قورى («بايتەرەك» ۇيح ەنشىلەس ۇيىمى) شالعاي قالالار مەن اۋدان ورتالىقتارىندا بيزنەس ءۇشىن مەملەكەتتىك قولداۋعا قول جەتكىزۋدى ارتتىرۋعا ارنالعان ءموبيلدى فرونت-وفيستەردى ىسكە قوسادى. باستاما مەملەكەت باسشىسىنىڭ شوب-تى قولداۋ شارالارىمەن قامتۋ جونىندەگى تاپسىرماسى شەڭبەرىندە ۇكىمەتتىڭ قولداۋىمەن ىسكە اسىرىلۋدا.
جوبانىڭ نەگىزگى ماقساتى – كاسىپكەرلەردى كونسۋلتاتسيالار وتكىزۋ، سونداي-اق جەرگىلىكتى جەردە ءوتىنىم قابىلداۋ ارقىلى «بايتەرەك» حولدينگى ىسكە اسىراتىن مەملەكەتتىك قولداۋ شارالارى تۋرالى وزەكتى اقپاراتپەن قامتاماسىز ەتۋ.
باستاما شەڭبەرىندە قوردىڭ كونسۋلتانتتارى اكىمدىكتەردىڭ، «اتامەكەن» ۇكپ جانە ەدب وكىلدەرىمەن بىرلەسىپ، شالعاي وڭىرلەرگە بارادى. ءموبيلدى توپتار مونوقالالار مەن اۋدان ورتالىقتارىن، اۋىلداردى قامتيدى. بۇل اسىرەسە اۋىلدار مەن شاعىن قالالاردان كاسىپكەرلەردى مەملەكەتتىك قولداۋ شارالارىنا تارتۋعا باعىتتالعان «ىسكەر ايماق» وڭىرلىك باعدارلاماسىن ىسكە اسىرۋ جاعدايىندا وزەكتى بولىپ وتىر. باعدارلاما شيكىزاتتى جەرگىلىكتى وڭدەۋدى دامىتۋ ارقىلى وڭىرلەردىڭ الەۋەتىن ناقتى وندىرىستىك قۋاتقا اينالدىرۋعا كومەكتەسەدى.
كاسىپكەرلەرگە «دامۋ» قورى عانا ەمەس، «بايتەرەك» حولدينگىنىڭ بىرىڭعاي فرونت-ءوفيسى شەڭبەرىندە قازاقستاننىڭ دامۋ بانكى، ونەركاسىپتى دامىتۋ قورى، ەكسپورتتىق-كرەديتتىك اگەنتتىك جانە Qazaqstan Investment Corporation سەكىلدى باسقا دا ەنشىلەس ۇيىمدارى دا ءتۇيىندى قولداۋ شارالارىن ۇسىنادى:
كرەديتتەر بويىنشا پايىزدىق مولشەرلەمەلەردى سۋبسيديالاۋ;
كەپىل جەتكىلىكسىز بولعان كەزدە قارىزدارعا كەپىلدىك بەرۋ;
مەملەكەتتىك باعدارلامالار شەڭبەرىندە جەڭىلدىكپەن كرەديتتەۋ;
ليزينگتىك قارجىلاندىرۋ قۇرالدارى;
جاڭا باستاعان كاسىپكەرلەرگە ارنالعان ميكروقارجىلاندىرۋ قۇرالدارى;
ەكسپورتتىق جوبالاردى قولداۋ قۇرالدارى;
وڭدەۋ سالاسىن جانە ليزينگتى قولداۋ;
قارجىسىز قولداۋ-وقىتۋ، كەڭەس بەرۋ جانە جوبالاردى قولداۋ.
ءموبيلدى فرونت-وفيستەر قازاقستاننىڭ 17 وڭىرىندە (استانا، الماتى جانە شىمكەنت قالالارىن قوسپاعاندا) بەكىتىلگەن كەستە بويىنشا جۇمىس ىستەيدى. ساپارلار اپتا سايىن ۇيىمداستىرىلعانمەن، سۇرانىسقا، كاسىپكەرلىك بەلسەندىلىك دەڭگەيىنە بايلانىستى جيىلەۋى مۇمكىن. شىعۋ كەستەسى www.damu.kz سايتىندا جانە قوردىڭ الەۋمەتتىك جەلىلەرىندە كۇنى بۇرىن جاريالانىپ وتىرادى.
جوبانى ىسكە اسىرۋ قالا مەن اۋىل اراسىنداعى گەوگرافيالىق كەدەرگىلەردى جويا وتىرىپ، مەملەكەتتىك قولداۋ شارالارىنا قول جەتكىزۋدى، اشىقتىق پەن تيىمدىلىكتى ارتتىرۋعا مۇمكىندىك بەرەدى. اۋىل كاسىپكەرلەرى ءىرى قالالارداعى بيزنەس سياقتى مۇمكىندىكتەر مەن قۇرالدارعا قول جەتكىزە الادى. بۇل بۇكىل ەل بويىنشا كاسىپكەرلىكتىڭ بىركەلكى دامۋىنا ىقپال ەتەدى.
Abai.kz
