وسىدان ءۇش ءتورت جىل بۇرىن ەكونوميكالىق «الەۋەتى كوتەرىلىپ» «قانى باسىنا تەپكەن» ەلىمىزدىڭ ويى مەن قىرىندا، ءتىپتى يت ارقاسى قياڭ الىستاعى اۋىلداردا «نەسيە بەرەمىز»، «قاس پەن كوزدىڭ اراسىندا بايىپ شىعا كەلەسىڭ» دەپ باستالاتىن «اتىمتاي جومارت» بانكتەردىڭ جارناماسى قاپتاپ كەتىپ ەدى. قازاقستاننىڭ قازىر الگىندەي الەكەيدە شالەكەي جارناماعا قارايتىن ءحالى جوق. ەسەسىنە ەلدى وزگە جىلتىراققا ەلىكتىرىپ، كوپتىڭ كوڭىلىندەگى ۋايىم مەن كۇدىكتى باسقا ارناعا بۇرىپ جىبەرەتىن شوۋ-باعدارلامالاردىڭ قۇلا تاسقىنى باستالىپ جاتىر.

قازىر تەلەارنالاردىڭ جارناماسى، تەلجوبالاردىڭ، سابىن سەريالداردىڭ جارناماسى جارىسقا تۇسكەن ءبىر كەزەڭ بولىپ تۇر.

وسىدان ءۇش ءتورت جىل بۇرىن ەكونوميكالىق «الەۋەتى كوتەرىلىپ» «قانى باسىنا تەپكەن» ەلىمىزدىڭ ويى مەن قىرىندا، ءتىپتى يت ارقاسى قياڭ الىستاعى اۋىلداردا «نەسيە بەرەمىز»، «قاس پەن كوزدىڭ اراسىندا بايىپ شىعا كەلەسىڭ» دەپ باستالاتىن «اتىمتاي جومارت» بانكتەردىڭ جارناماسى قاپتاپ كەتىپ ەدى. قازاقستاننىڭ قازىر الگىندەي الەكەيدە شالەكەي جارناماعا قارايتىن ءحالى جوق. ەسەسىنە ەلدى وزگە جىلتىراققا ەلىكتىرىپ، كوپتىڭ كوڭىلىندەگى ۋايىم مەن كۇدىكتى باسقا ارناعا بۇرىپ جىبەرەتىن شوۋ-باعدارلامالاردىڭ قۇلا تاسقىنى باستالىپ جاتىر.

قازىر تەلەارنالاردىڭ جارناماسى، تەلجوبالاردىڭ، سابىن سەريالداردىڭ جارناماسى جارىسقا تۇسكەن ءبىر كەزەڭ بولىپ تۇر.

سونداي ايدىك جارناما-بيلبورد اتى دا، زاتى دا بۇلىڭعىر «كتك» ارانسىنىڭ ۇلەسىنە ءتيىپتى. مىنا سۋرەتتەن كورىپ وتىرعانىڭىزداي «كتك»-نىڭ جۋرناليستەرى القىزىل ءتۇستى تۋدىڭ استىندا باياعى كومسومولدارعا ۇقساپ كەۋدەلەرىن اسقاق ۇستاي قالىپتى. قاباقتارى قاتۋلى. جانارلارىنان وت شاشىپ الىس ءبىر قيىرعا كوز تاستايدى. قۇددى قىزىل سۇڭقارلار. قازاقستان دەگەن مەملەكەتتىڭ ىشىكى احۋالىنان حابارسىز پەندە «كتك»-نىڭ جارنامالارىن كورەگەن بەتتە: «ە-ە، مۇندا بۇرىنعىداي قىزىل توڭكەرىس بولىپتى عوي تاعى دا» دەپ ويلاۋى ابدەن مۇمكىن. الايدا، بىتىقى-شىتىقى كتك-نىڭ (بۇلاي دەۋىمىزگە سەبەپ اتالعان ارنانىڭ اينالاسىنداعى كەيبىر جايتتەرگە ءالى نۇكتە قويىلعان جوق. قازاق ءتىلدى جۋرناليستەر اكىمشىلىك تاراپىنان كەمسىتۋشىلىككە ۇشىراپ كەلەدى) باسشىسى ارمان شوراەۆ بيلبوردتاعى كورىنىستەردى مۇلدە باسقاشا پايىمدايدى ەكەن. ول قوڭىراۋ شالىپ حابارلاسقان ءبىزدىڭ تىلشىمىزگە وتكەن تاريحتى ۇمىتۋعا بولمايدى دەدى. جانە مىنانى ايتتى:

-  ءبارىمىز دە كومسومولداردىڭ شەكپەنىنەن شىقتىق. ءبىز عانا ەمەس، ەل باسىندا جۇرگەن يمانعالي تاسماعانبەتوۆ باستاعان بىرقاتار كادرلار سول ءبىر كەزەڭنىڭ جەمىسى. ەندى كەلىپ تاريحتى جوققا شىعارۋعا بولمايدى عوي. دەسەك تە، ءبىزدىڭ جارنامامىزداعى نازارعا بىردەن ىلىنەتىن قىزىل جالاۋدىڭ كەڭەس داۋىرىنە ەشقانداي قاتىسى جوق. وسى ۋاقىتقا دەيىن جارناما جاساۋدىڭ ءتۇرلى تاجريبەلەرى وتكەن. مامانداردىڭ پىكىرىنشە قىزىل ءتۇس بىردەن كوزگە تۇسەدى ەكەن. ونىڭ ۇستىنە ءاۋ باستان «كتك» ارناسىنىڭ بەلگىسى رەتىندە قىزىل ءتۇستى تاڭداپ العان بولاتىنبىز. مەنىڭشە، مۇنىڭ استارىنان كەڭەستىك ءداۋىردىڭ يدەياسىن ىزدەۋگە بولمايدى.

«اباي-اقپارات»