حالىقارالىق ەكولوگتار كۇنىنە وراي جاستاردىڭ ەكولوگيالىق مادەنيەتىن قالىپتاستىرۋ، قورشاعان ورتانى قورعاۋ ماسەلەلەرىنە قوعام نازارىن اۋدارۋ جانە تابيعاتقا دەگەن جاۋاپكەرشىلىك كوزقاراستى دامىتۋ ماقساتىندا «ەكولوگ ساعاتى» تاقىرىبىندا كەزدەسۋ ۇيىمداستىرىلدى.

ءىس-شارا بارىسىندا قاتىسۋشىلارعا ەكولوگيالىق قاۋىپسىزدىكتىڭ ماڭىزدىلىعى، تابيعي رەسۋرستاردى ءتيىمدى پايدالانۋ، قورشاعان ورتانى قورعاۋ باعىتىنداعى مەملەكەتتىك ساياسات جانە ءاربىر ازاماتتىڭ ەكولوگيالىق جاۋاپكەرشىلىگى جونىندە كەڭىنەن اقپارات بەرىلدى. سونىمەن قاتار، دۇنيەجۇزىلىك دەڭگەيدە وتكىزىلەتىن «ەكولوگ ساعاتى» حالىقارالىق ەكولوگيالىق اكتسياسىنىڭ نەگىزگى ماقساتى مەن ماڭىزى ءتۇسىندىرىلىپ، اتالعان باستامانىڭ قورشاعان ورتانى ساقتاۋعا قوساتىن ۇلەسى تۋرالى ايتىلدى.

كەزدەسۋدىڭ سپيكەرى – ەكولوگيا دەپارتامەنتىنىڭ مەملەكەتتىك ەكولوگيالىق ينسپەكتورىنىڭ باس مامان احمەتجانوۆا ءمولدىر مەيىرحاتقىزىجاستارمەن اشىق فورماتتا پىكىر الماسىپ، وڭىردەگى ەكولوگيالىق احۋال، تابيعاتتى قورعاۋ شارالارى جانە قورشاعان ورتانى لاستاۋدىڭ الدىن الۋ باعىتىندا اتقارىلىپ جاتقان جۇمىستار جونىندە بايانداما جاسادى. سونداي-اق سپيكەر جاستاردى ەكولوگيالىق اكتسيالارعا بەلسەندى قاتىسۋعا، قورشاعان ورتاعا ۇقىپتى قاراۋعا جانە كۇندەلىكتى ومىردە ەكولوگيالىق ادەتتەردى قالىپتاستىرۋعا شاقىردى.

كەزدەسۋ بارىسىندا قاتىسۋشىلار ەكولوگيا سالاسىنا قاتىستى وزدەرىن قىزىقتىرعان سۇراقتارىن قويىپ، ماماننان ناقتى جاۋاپتار الدى. اشىق ديالوگ الاڭى جاستاردىڭ ەكولوگيالىق ماسەلەلەرگە دەگەن قىزىعۋشىلىعىن ارتتىرىپ، تابيعاتتى قورعاۋ ىسىندەگى ازاماتتىق جاۋاپكەرشىلىكتىڭ ماڭىزىن تۇسىنۋگە مۇمكىندىك بەردى.

شارا قورىتىندىسىندا قاتىسۋشىلارعا قورشاعان ورتانى قورعاۋ تەك مەملەكەتتىك ورگانداردىڭ عانا ەمەس، ءاربىر ازاماتتىڭ ورتاق مىندەتى ەكەندىگى ءتۇسىندىرىلىپ، تابيعاتتى ايالاۋ مەن ەكولوگيالىق مادەنيەتتى قالىپتاستىرۋ باعىتىنداعى جۇمىستاردى جۇيەلى تۇردە جالعاستىرۋ قاجەتتىگى اتاپ ءوتىلدى. اتالعان كەزدەسۋ جاستار اراسىندا ەكولوگيالىق ساۋاتتىلىقتى ارتتىرۋعا، قورشاعان ورتاعا جاناشىرلىق كوزقاراستى نىعايتۋعا جانە «چاس زەملي» اكتسياسىنىڭ قۇندىلىقتارىن كەڭىنەن ناسيحاتتاۋعا ءوز ۇلەسىن قوستى.

Abai.kz