بولونيا قالاسىندا قازاقستان ءۇشىن تاريحي ماڭىزى بار وقيعا – قازاقى تازىنىڭ الەمدىك كينولوگياداعى ەڭ بەدەلدى شارالاردىڭ ءبىرى سانالاتىن World Dog Show 2026 باعدارلاماسىنا قاتىسۋى ءساتتى اياقتالدى.

2026 جىلعى 2–7 ماۋسىم ارالىعىندا حالىقارالىق كينولوگيالىق قاۋىمداستىقتىڭ نازارى يتالياعا اۋدى. مۇندا الەمنىڭ تۇكپىر-تۇكپىرىنەن كەلگەن تورەشىلەر, ساراپشىلار, سەلەكتسيونەرلەر, يت يەلەرى جانە ۇلتتىق كينولوگيالىق ۇيىمداردىڭ وكىلدەرى باس قوستى. قازاقستان ءۇشىن بۇل شارانىڭ ماڭىزى ەرەكشە بولدى, ويتكەنى الەمدىك دەڭگەيدەگى باستى الاڭداردىڭ بىرىندە 2024 جىلى حالىقارالىق كينولوگيالىق فەدەراتسيانىڭ (FCI) الدىنالا مويىنداۋىنا يە بولعان ۇلتتىق تۇقىم – قازاقى تازى تانىستىرىلدى.

قازاقستان كينولوگتار وداعىنىڭ World Dog Show 2026 كورمەسىنە قاتىسۋى قازاقى تازىنى تۇپكىلىكتى حالىقارالىق دەڭگەيدە مويىنداتۋعا باعىتتالعان جۇيەلى جۇمىستىڭ ماڭىزدى كەزەڭىنە اينالدى.

ءىس-شارا اياسىندا 2 ماۋسىم كۇنى وتكەن FCI تورەشىلەرىنىڭ IV دۇنيەجۇزىلىك كونگرەسىنە قاتىسۋدىڭ ماڭىزى زور بولدى. بۇل – الەمنىڭ تۇكپىر-تۇكپىرىنەن كەلگەن ساراپشى-تورەشىلەر باس قوساتىن كاسىبي الاڭ. كونگرەسس بارىسىندا قازاقستان كينولوگتار وداعى قازاقى تازىعاارنالعان ارنايى ءدارىس وتكىزدى. حالىقارالىق تورەشىلەر كورپۋسىنا تۇقىمنىڭ تاريحى, ونىڭ قازاق حالقىنىڭ ءداستۇرلى مادەنيەتىمەن بايلانىسى, تازىنىڭ اڭشىلىق تەكتى تازىلار ساناتىنداعى قىزمەتتىك ەرەكشەلىگى, تۇقىمدىق ءتيپى, ەكستەرەرى, قوزعالىس مانەرى, مىنەز-قۇلقى جانە رينگتەگى باعالاۋ ەرەكشەلىكتەرى تانىستىرىلدى.

مۇنداي فورمات تۇقىمدى تانىستىرۋمەن قاتار, FCI تورەشىلەرى اراسىندا قازاقى تازى تۋرالى دۇرىس كاسىبي تۇسىنىك قالىپتاستىرۋعا مۇمكىندىك بەردى. بۇل الدىن الا حالىقارالىق مويىنداۋ كەزەڭىندە اسا ماڭىزدى, ويتكەنى الەمدىك ارەناداعى ءاربىر كورسەتىلىم تۇقىمنىڭ بولاشاقتاعى قابىلدانۋىنا, دامۋىنا جانە تۇپكىلىكتى مويىندالۋىنا تىكەلەي اسەر ەتەدى.

قازاقستاننىڭ World Dog Show 2026 كورمەسىنە قاتىسۋىنىڭ ماڭىزدى بولىگى قازاقى تازىعا ارنالعان قازاقستان كينولوگتار وداعىنىڭ تانىستىرۋ ستەندى بولدى.

قازاقستاننىڭ ۇلتتىق ستەندى كورمەنىڭ ءدال ورتالىعىندا ورنالاسىپ, العاشقى كۇننەن-اقWorld Dog Show 2026 كورمەسىنىڭ ەڭ كورنەكتى ءارى كوپشىلىك جينالاتىن الاڭدارىنىڭ بىرىنە اينالدى. ول تورەشىلەردىڭ, سەلەكتسيونەرلەردىڭ, يت يەلەرىنىڭ, ۇلتتىق كينولوگيالىق ۇيىمدار وكىلدەرىنىڭ, كورمە قوناقتارىنىڭ جانە حالىقارالىق بۇقارالىق اقپارات قۇرالدارىنىڭ ەرەكشە قىزىعۋشىلىعىن تۋدىردى.

ستەندكە كەلگەن قوناقتار قازاقى تازىنىڭ تاريحىمەن, ونىڭ قىزمەتتىك ەرەكشەلىگىمەن, تۇقىمدىق سيپاتتارىمەن, قازىرگى سەلەكتسيالىق جۇمىستىڭ جاي-كۇيىمەن جانە قازاقستاننىڭ وسى تۇقىمنىڭ وتانى رەتىندەگى رولىمەن تانىسۋ مۇمكىندىگىنە يە بولدى.

ستەند تەك اقپاراتتىق الاڭ عانا ەمەس, ناعىز تارتىمدى ورتالىققا اينالدى. كوپتەگەن قوناقتار ستەند جانىندا ايالداپ, قازاقستان وكىلدەرىمەن پىكىر الماسىپ, ەستەلىك سۋرەتكەءتۇستى. كورمەگە قاتىسۋشىلار مەن قوناقتاردىڭ پىكىرىنشە, قازاقستاننىڭ ۇلتتىق ستەندى World Dog Show 2026 كورمەسىندەگى ەڭ جارقىن, مازمۇندى ءارى ەستە قالارلىق ەكسپوزيتسيالاردىڭ ءبىرى بولدى.

قازاقستاننىڭ قاتىسۋىنداعى باستى ساتتەردىڭ ءبىرى 5 جانە 6 ماۋسىم كۇندەرى وتكەن قازاقى تازىلاردىڭ رينگتىك كورسەتىلىمدەرى بولدى. تۇقىم وكىلدەرى بىردەن ءۇش ماڭىزدى كورمەكەزەڭىنە قاتىستى: Club Show 2026, ENCI Winner 2026 ءجانە World Dog Show 2026.

ەڭ باستى ورتاق ناتيجە – بارلىق قازاقى تازىلار ەشبىر ەرەكشەلىكسىز «وتە جاقسى» («Excellent») باعاسىن الدى. بۇل كورسەتكىش ۇسىنىلعان يتتەردىڭ جوعارى ساپاسىن عانا ەمەس, سونىمەن قاتار قازاقستاندا ۇلتتىق تۇقىمدى ساقتاۋ مەن دامىتۋ باعىتىنداعى سەلەكتسيالىق جۇمىستىڭ جۇيەلى ءارى دۇرىس جولعا قويىلعانىن دالەلدەيدى.

2026 جىلعى 5 ماۋسىمدا قازاقى تازى يتاليانىڭ ۇلتتىق دەڭگەيدەگى Club Show 2026 كورمەسىندە تانىستىرىلدى.

Club Show 2026 قورىتىندىسى بويىنشا استانادان كەلگەن اقتابان ۇزدىك جاس اتالىق, الماتىدان كەلگەن تابيعات ۇزدىك جاس انالىق اتاندى. استانالىق لاشىن ۇزدىك اتالىق, ال رەيا ۇزدىك انالىق دەپ تانىلدى. قورىتىندى سالىستىرۋ ناتيجەسىندە لاشىن تۇقىمنىڭ ۇزدىك وكىلى اتانىپ, Club Show 2026 جەڭىمپازى بولدى.

سول كۇنى قازاقى تازىلار حالىقارالىق دەڭگەيدەگى ENCI Winner 2026 كورمەسىنە دە قاتىستى. استانادان كەلگەن چەلسي ۇزدىك جاس اتالىق, الماتىدان كەلگەن تابيعات ۇزدىك جاسانالىق اتاندى. پەرس ۇزدىك اتالىق, ال رەيا ۇزدىك انالىق دەپ تانىلدى. تۇقىمنىڭ ۇزدىكوكىلى ءارى ENCI Winner 2026 جەڭىمپازى اتاعىن پەرس يەلەندى.

پەرستىڭ تاريحي جەتىستىگى ەرەكشە نازار اۋدارۋعا تۇرارلىق. تۇقىم ىشىندەگى جەڭىسىنەن كەيىنول ءوز جاس ساناتىنداعى باسقا تازىلارمەن باق سىناسىپ, ءتورتىنشى ورىنعا يە بولدى. قازاقىتازى ءۇشىن مۇنداي دەڭگەيدەگى حالىقارالىق الاڭدا قول جەتكىزىلگەن ناتيجە تۇقىمدى الەمگە تانىتۋ جولىنداعى ماڭىزدى جەتىستىك ءارى جاڭا بەلەس بولدى.

2026 جىلعى 6 ماۋسىمدا قازاقى تازى FCI جۇيەسىندەگى الەم چەمپيوناتى سانالاتىن دۇنيەجۇزىلىك يتتەر كورمەسىنىڭ نەگىزگى باعدارلاماسى – World Dog Show 2026 اياسىندا تانىستىرىلدى.

World Dog Show 2026 قورىتىندىسى بويىنشا الماتىدان كەلگەن چەلسي ۇزدىك جاس اتالىق، ال الماتىدان كەلگەن تابيعات ۇزدىك جاس انالىق اتاندى. استانالىق لاشىن ۇزدىك اتالىق، ال رەيا ۇزدىك انالىق دەپ تانىلدى. تۇقىمنىڭ ۇزدىك وكىلى ءارى World Dog Show 2026 جەڭىمپازى اتاعىن لاشىن يەلەندى.

تۇقىم ىشىندەگى جەڭىستەن كەيىن چەلسي مەن لاشىن وزدەرىنىڭ جاس ەرەكشەلىگى ساناتتارىندا باسقا تازىلارمەن سايىستى جالعاستىردى. قورىتىندى سالىستىرۋ ناتيجەسىندە چەلسي ءتورتىنشى ورىنعا يە بولىپ، قازاقى تازى ءۇشىن الەمدىك كورمە الاڭىنداعى تاعى ءبىر تاريحي جەتىستىككە قول جەتكىزدى.

World Dog Show 2026 ناتيجەسى بويىنشا چەلسي مەن تابيعات جاس الەم چەمپيونى اتاعىنا يە بولدى. ال لاشىن مەن رەيا الەم چەمپيونى تيتۋلدارىن جەڭىپ الدى.

وسىلايشا، كورمە باعدارلاماسىنىڭ قورىتىندىسى بويىنشا داستەر، لاشىن، رەيا، پەرس، ارلان جانە كەربەز يتاليا چەمپيونى اتاعىن يەلەندى. ال سارباز چەمپيوندار سىنىبىنىڭ رەزەرۆتىك جەڭىمپازى اتاندى. چەلسي، تابيعات جانە اقتابان جاس يتاليا چەمپيونى تيتۋلدارىنا قول جەتكىزدى.

بۇل ناتيجەلەر قازاقستان ءۇشىن ەرەكشە ماڭىزعا يە. قازاقى تازى World Dog Show 2026 كورمەسىندە جاي عانا تانىستىرىلىپ قويعان جوق – تۇقىم الەمدىك ارەنادا ءوز مۇمكىندىگىن سەنىمدى تۇردە كورسەتىپ، حالىقارالىق ساراپشىلاردىڭ جوعارى باعاسىنا يە بولدى، حالىقارالىق قاۋىمداستىقتىڭ نازارىن اۋداردى جانە ءوزىنىڭ تۇراقتى تۇقىمدىق دەڭگەيىن دالەلدەدى.

قازاقستان كينولوگتار وداعى ءۇشىن جەڭىستەر مەن تيتۋلدار ماڭىزدى بولعانىمەن، باستى ناتيجە بۇدان دا اۋقىمدى. قازاقى تازى حالىقارالىق كينولوگيادا بارعان سايىن تانىمال بولا تۇسۋدە، ال قازاقستان وسى بىرەگەي تۇقىمنىڭ تاريحي وتانى ءارى ونى ساقتاۋ، دامىتۋ جانە ىلگەرىلەتۋ باعىتىنداعى جۇيەلى جۇمىستىڭ نەگىزگى ورتالىعى رەتىندەگى مارتەبەسىن تاعى ءبىر مارتە راستادى.

قازاقستاننىڭ World Dog Show 2026 كورمەسىنە قاتىسۋىنىڭ تاعى ءبىر جارقىن ءساتى قازاقى تازىنىڭ حالىقارالىق TOP Dog 2026 شوۋىنداعى ونەر كورسەتۋى بولدى.

TOP Dog – بۇل رينگتەگى ءداستۇرلى ساراپتامالىق باعالاۋ ەمەس، كەڭ اۋديتورياعا، بۇقارالىق اقپارات قۇرالدارىنا جانە الەمدىك كورمە قاۋىمداستىعىنا باعىتتالعان اسەرلى حالىقارالىق شوۋ. ءدال وسى الاڭدا تۇقىم تەك ماماندارعا عانا ەمەس، مىڭداعان كورەرمەنگە ءوز ەلىنىڭ مادەني كەلبەتىنىڭ ءبىر بولىگى رەتىندە تانىستىرىلادى.

وسى بەدەلدى الاڭدا قازاقستان العاش رەت تانىستىرىلدى. ارەناداعى باستى ەكراندا قازاقستان رەسپۋبليكاسىنىڭ مەملەكەتتىك تۋى كورسەتىلىپ، ەلىمىزدىڭ اتاۋى حالىقارالىق كينولوگيالىق قاۋىمداستىق الدىندا سالتاناتتى تۇردە جاريالاندى.

ارەنادا قازاقستاننىڭ اتىنان استانادان كەلگەن قازاقى تازى داستەر، حەندلەر كارينا كاميباەۆا جانە قازاقستان كينولوگتار وداعىنىڭ پرەزيدەنتى سەرىكقالي باۋىرجان ونەر كورسەتتى.

بۇل جاي عانا كورمە باعدارلاماسىنىڭ ءبىر بولىگى ەمەس، قازاقى تازىنىڭ تاريحي وتانى رەتىندە قازاقستاندى الەمدىك كينولوگيانىڭ ەڭ بەدەلدى الاڭدارىنىڭ بىرىندە تانىتقان ماڭىزدى سيمۆولدىق ءسات بولدى.

قازاقى تازىنىڭ TOP Dog 2026 شوۋىنداعى كورسەتىلىمى قازاقستاننىڭ World Dog Show 2026 كورمەسىنە قاتىسۋىنىڭ ەڭ اسەرلى ءارى ەستە قالارلىق ساتتەرىنىڭ بىرىنە اينالدى. بۇل الاڭدا تازى وزىندىك بولمىسى بار، تانىمال ءارى حالىقارالىق كينولوگيادا لايىقتى ورىن الۋعا قابىلەتتى تۇقىم رەتىندە تانىستىرىلدى.

ەسكە سالا كەتەيىك، قازاقى يت تۇقىمدارىن ساقتاۋ جانە دامىتۋ ماسەلەلەرى مەملەكەت باسشىسىنىڭ تاپسىرماسى بويىنشا جۇيەلى تۇردە قولعا الىندى. وسىعان بايلانىستى 2023 جىلعى 3 قاڭتاردا قازاقى يت تۇقىمدارىن ساقتاۋ جانە ءوسىمىن مولايتۋ ماسەلەلەرى جونىندەگى قازاقستان رەسپۋبليكاسىنىڭ زاڭى قابىلدانىپ، اتالعان باعىتتاعى جۇمىستىڭ قۇقىقتىق نەگىزى بەكىتىلدى.

2024 جىلعى 3 قىركۇيەكتە FCI «قازاقى تازى» تۇقىمىن الدىن الا نەگىزدە تانىپ، قازاقستانعا وسى تۇقىمنىڭ شىققان ەلى مارتەبەسىن رەسمي تۇردە بەكىتتى. بەلگىلەنگەن كەزەڭ ىشىندە قازاقستان تۇقىمدى دامىتۋ جۇمىستارىن جالعاستىرىپ، ونىڭ تۇپكىلىكتى مويىندالۋىنا قاجەتتى اسىل تۇقىمدىق، كورمەلىك جانە وزگە دە دەرەكتەردى جيناقتاۋى ءتيىس.

قازاقى تازىنىڭ بولونيا قالاسىندا وتكەن World Dog Show 2026 كورمەسىنە قاتىسۋى وسى جولداعى ماڭىزدى بەلەس بولدى. بۇگىندە قازاقى تازىنىڭ حالىقارالىق ارەناعا سەنىمدى تۇردە شىعىپ، الەمدىك كينولوگياداعى ءوز ورنىن يەلەنىپ كەلە جاتقانىن نىق سەنىممەن ايتۋعا بولادى.

قازاقستان كينولوگتار وداعى

Abai.kz