الەۋمەتتىك جەلىلەر مەن جەكەلەگەن اقپاراتتىق پابليكتەردە قازاقستاندا كۋرەر رەتىندە قوسىمشا جۇمىس ىستەيتىن انالاردى الەۋمەتتىك تولەمدەردەن ايىرۋ جوسپارى تۋرالى جاريالانىمدار تارالۋدا.

بۇل شىندىققا سايكەس كەلمەيدى.

بالا كۇتىمىن جۇزەگە اسىراتىن جۇمىس ىستەمەيتىن اتا-انالارعا رەسپۋبليكالىق بيۋدجەت قاراجاتى ەسەبىنەن بالا ءبىر جارىم جاسقا تولعانعا دەيىن مەملەكەتتىك الەۋمەتتىك جاردەماقى ء(ماج) تولەنەدى. اتالعان جاردەماقىلار شارتسىز، جانە الۋشىنىڭ كەيىننەن جۇمىسقا ورنالاسۋىنا قاراماستان، بالا ءبىر جارىم جاسقا تولعانعا دەيىن تولىق مەرزىمدە تولەنەدى.

ءوز كەزەگىندە، مىندەتتى الەۋمەتتىك ساقتاندىرۋ جۇيەسىنىڭ قاتىسۋشىلارى بولىپ تابىلاتىن تۇراقتى جۇمىسى بار اتا-انالارعا مەملەكەتتىك الەۋمەتتىك ساقتاندىرۋ قورىنان بالا ءبىر جارىم جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان جاعدايدا الەۋمەتتىك تولەمدەر تاعايىندالادى. بۇل تولەمنىڭ مولشەرى بالا تۋعان كۇنگە دەيىنگى سوڭعى ەكى جىلداعى ورتاشا ايلىق تابىستىڭ 40 پايىزىن قۇرايدى.

قازاقستان رەسپۋبليكاسىنىڭ الەۋمەتتىك كودەكسىنىڭ نورمالارىنا سايكەس، اتالعان تولەمدەردى جۇمىسقا شىعۋىنا بايلانىستى توقتاتۋ تەك الۋشىنىڭ ءوز ەركىمەن ءتيىستى ءوتىنىش بەرۋى ارقىلى عانا جۇزەگە اسىرىلادى.

بۇقارالىق اقپارات قۇرالدارىنىڭ وكىلدەرى، بلوگەرلەر مەن پابليك اكىمشىلەرى رەسمي مالىمدەمەلەردى تۇسىندىرۋگە مۇقيات قاراپ، ازاماتتاردى جاڭىلىستىرۋى مۇمكىن تاقىرىپتار مەن تۇجىرىمداردان اۋلاق بولۋى قاجەت.

ازاماتتاردى ۋاكىلەتتى مەملەكەتتىك ورگانداردىڭ رەسمي تۇسىندىرمەلەرىنە عانا سۇيەنۋگە شاقىرامىز. قانداي دا ءبىر سۇراقتار تۋىنداعان جاعدايدا اقپاراتتى ناقتىلاۋ ءۇشىن تىكەلەي بەيىندى ۆەدومستۆولارعا جۇگىنگەن ءجون.

Abai.kz