استانا، 19 ماۋسىم، ءماجىلىس ءۇيى. ماجىلىستە پالاتا سپيكەرى ەرلان قوشانوۆتىڭ قازاقستانعا رەسمي ساپارمەن كەلگەن چەرنوگوريا پرەزيدەنتى ياكوۆ ميلاتوۆيچپەن كەزدەسۋى ءوتتى. بۇل ەكى ەل قارىم-قاتىناسى تاريحىنداعى مەملەكەت باسشىسى دەڭگەيىندەگى العاشقى ساپار. تاراپتار پارلامەنتارالىق ءىس-ارەكەتتىڭ نەگىزگى باعىتتارىن جانە ەكىجاقتى ىنتىماقتاستىقتى كەڭەيتۋ پەرسپەكتيۆالارىن تالقىلادى.

سۋرەت: ج.جۇمابەكوۆ.

مارتەبەلى مەيماندى قارسى العان ءماجىلىس توراعاسى قازاقستان مەن چەرنوگوريا اراسىنداءوزارا سەنىمگە نەگىزدەلگەن سىندارلى ساياسي ديالوگ قالىپتاسقانىنا نازار اۋداردى.

سۋرەت: ج.جۇمابەكوۆ.

– بيىل ءبىز ديپلوماتيالىق بايلانىستاردىڭورناعانىنا 20 جىل تولۋىن اتاپ وتەمىز. وسى ۋاقىت ىشىندە استانا مەن پودگوريتسا اراسىندا ءوزارا سەنىمدى ساياسي ديالوگ قالىپتاستى. وعان ءسىزدىڭ قازاقستان پرەزيدەنتى قاسىم-جومارت توقاەۆپەن جەكە كەزدەسۋلەرىڭىز ىقپالىن تيگىزدى. بۇگىنگى بىرلەسكەن مالىمدەمەدە اتاپ وتىلگەندەي، ەلدەرىمىز وسى سەرىكتەستىك بايلانىستاردى ودان ءارى تەرەڭدەتۋگە مۇددەلى. پارلامەنت دەپۋتاتتارى رەتىندە، ءبىز وعان زاڭنامالىق دەڭگەيدە بارىنشا قولداۋ كورسەتۋگە ءازىءرمىز، – دەدى پالاتا سپيكەرى.

ەرلان قوشانوۆ چەرنوگوريا پرەزيدەنتىنە ەلىمىزدە جۇرگىزىلىپ جاتقان ساياسي رەفورمالار تۋرالى جانە جالپىۇلتتىق رەفەرەندۋمدا جاڭا كونستيتۋتسيانىڭ قابىلدانۋى تۋرالى ايتىپ بەردى. ناتيجەسىندە بيلىكتىڭ بارلىق تارماعىنىڭ جۇمىسى تۇبەگەيلى قايتا جۇيەلەنىپ, ءبىر پالاتالى پارلامەنتكە كوشۋدىڭ قۇقىقتىق نەگىزى قالانۋدا. حالىق كەڭەسى جاڭا قوعامدىق-ساياسي ينستيتۋتى قۇرىلۋدا. مۇنىڭ ءبارى قازاقستاندىقتار تاراپىنان كەڭىنەن قولداۋ تاپقان پرەزيدەنت قاسىم-جومارت توقاەۆ رەفورمالارىنىڭ اۋقىمدى باعدارىنىڭ قورىتىندىسى بولدى.

پارلامەنتارالىق بايلانىسقا توقتالعانءماجىلىس توراعاسى چەرنوگوريا پارلامەنتىنىڭ سپيكەرىمەن تۇراقتى بايلانىستا ەكەنىن ايتتى. ول ماجىلىستە سكۋپششينامەن دەپۋتاتتىق دوستىق توبى جۇمىس ىستەيتىنىن ايتا كەلىپ، ەكىجاقتى دەڭگەيدە دە، پارلامەنتارالىق وداق، ەقىۇ پارلامەنتتىك اسسامبلەياسى، ەۋروپا كەڭەسى پارلامەنتتىك اسسامبلەياسى جانە باسقا دا پارلامەنتارالىق الاڭدارداعى بايلانىستى ودان ءارى نىعايتۋدى قولدايتىنىن جەتكىزدى.

ءوز كەزەگىندە ياكوۆ ميلاتوۆيچ قوناقجايلىق تانىتقانى ءۇشىن ريزاشىلىعىن ءبىلدىرىپ، پودگوريتسانىڭ ەكىجاقتى ىنتىماقتاستىقتى تەرەڭدەتۋگە نيەتتى ەكەنىن ايتتى. ول چەرنوگوريا قازاقستاندا جۇرگىزىلىپ جاتقان وزگەرىستەردى جوعارى باعالايتىنىن, پارلامەنتارالىق ديالوگتى، سونداي-اق بىرلەسكەن ەكونوميكالىق جانە مادەني-گۋمانيتارلىق جوبالاردى جان-جاقتى قولداۋعا دايىن ەكەنىن اتاپ ءوتتى.

سونىمەن قاتار كەزدەسۋ بارىسىندا تاراپتار تۋريزم، تسيفرلاندىرۋ، كولىك، لوگيستيكا، دەنساۋلىق ساقتاۋ سالالارىنداعى بىرلەسكەن جوبالاردى ىسكە اسىرۋ، ساۋدا-ينۆەستيتسيالىق بايلانىستاردى دامىتۋ ماسەلەسىن ورتاعا سالدى.

 Abai.kz