الەۋمەتتىك جەلىلەردە بلوگەردىڭ قاتىسۋىمەن تۇسىرىلگەن بەينەماتەريالدار تارالۋدا. وندا ول اكەسىنىڭ تاراپىنان بالا كەزىندە وزىنە قاتىستى قۇقىققا قارسى جىنىستىق ءىس-ارەكەتتەر جاسالعانىن مالىمدەيدى.

قوستاناي وبلىسى پوليتسيا دەپارتامەنتىنىڭ حابارلاۋىنشا، اتالعان فاكتى بويىنشا تەكسەرۋ جۇرگىزىلۋدە. پوليتسيا قىزمەتكەرلەرى تۋىستارىنان جاۋاپ الىپ، جاريالانعان ماتەريالداردى زەردەلەپ جاتىر.

اتا-اناسىنىڭ ايتۋىنشا، بەينەماتەريالداردا كەلتىرىلگەن مالىمەتتەر شىندىققا سايكەس كەلمەيدى. سونداي-اق ولار قىزدارىمەن ۇزاق ۋاقىتتان بەرى بايلانىس جاسامايتىنىن حابارلاعان.

تاراپتاردىڭ بارلىق ۋاجدەرى تەكسەرىلەتىن بولادى.

سونىمەن قاتار، اتا-اناسىنىڭ ارىزى نەگىزىندە جالعان اقپارات تاراتقانى ءۇشىن اكىمشىلىك ءىس قوزعالدى. سونداي-اق بويجەتكەن ۇساق بۇزاقىلىق جاساعانى ءۇشىن جاۋاپكەرشىلىككە تارتىلادى.

پوليتسيا مۇنداي ارەكەتتەر ءۇشىن جاۋاپكەرشىلىك كوزدەلگەنىن ەسكە سالادى. كەز كەلگەن شىندىققا سايكەس كەلمەيتىن مالىمەتتەر قۇقىقتىق باعالاۋعا جاتادى جانە ولار ءۇشىن اكىمشىلىك تە، قىلمىستىق زاڭنامادا دا كوزدەلگەن جاۋاپكەرشىلىك قاراستىرىلعان.

Abai.kz