الماتى قالاسىنىڭ ەكولوگيا جانە قورشاعان ورتا باسقارماسى قالا تۇرعىندارى مەن قوناقتارىن ۇلكەن الماتى وزەنىنە شومىلماۋعا شاقىردى. ۆەدومستۆو وكىلدەرى وزەن ارناسىنىڭ كەيبىر ۋچاسكەلەرىندە شومىلۋعا رەسمي تۇردە تىيىم سالىنعانىن جانە ونىڭ ادام ءومىرى مەن دەنساۋلىعىنا قاۋىپ توندىرەتىنىن ەسكە سالدى.

مۇنداي ۇندەۋگە الەۋمەتتىك جەلىلەردە اپتاپ ىستىقتان قورعانۋ ءۇشىن وزەنگە ءتۇسىپ جاتقان تۇرعىنداردىڭ ۆيدەولارىنىڭ تارالۋى سەبەپ بولعان.

الماتى اكىمدىگىنىڭ مالىمەتىنشە، 2025 جىلعى 7 تامىزداعى قالالىق ءماسليحاتتىڭ شەشىمىنە سايكەس، ۇلكەن الماتى وزەنىنىڭ جەكەلەگەن ۋچاسكەلەرىندە شومىلۋعا تىيىم سالىنعان.

ەكولوگيا باسقارماسى ۇلكەن الماتى وزەنىنىڭ اعىسى قاتتى ءارى سۋى وتە سالقىن تاۋ وزەنى ەكەنىن اتاپ ءوتتى. بۇل ەرەكشەلىكتەر ادامداردىڭ ءومىرى مەن دەنساۋلىعىنا ايتارلىقتاي قاۋىپ توندىرەدى.

وسىعان بايلانىستى قالا تۇرعىندارى مەن قوناقتارىنا بەلگىلەنگەن شەكتەۋلەردى ساقتاپ، تەك ارنايى جابدىقتالعان ءارى قاۋىپسىز شومىلۋ ورىندارىن تاڭداۋعا كەڭەس بەرىلدى.

Abai.kz