ورتالىق سايلاۋ كوميسسياسى 23 تامىزدا وتەتىن قۇرىلتاي دەپۋتاتتارىنىڭ سايلاۋىنا ارنالعان داۋىس بەرۋ بيۋللەتەنىنىڭ ۇلگىسىن بەكىتتى. 12,6 ميلليوننان استام سايلاۋشى كوگىلدىر ءتۇستى ەكى جاقتى بيۋللەتەن الادى.

بيۋللەتەننىڭ ءبىرىنشى بەتىندە قازاقستان رەسپۋبليكاسىنىڭ مەملەكەتتىك ەلتاڭباسى مەن ونىڭ اتاۋى ورنالاستىرىلعان. ەكىنشى بەتىندە 2026 جىلعى 23 شىلدەدەگى جەرەبە قورىتىندىسى بويىنشا بەلگىلەنگەن رەتپەن ساياسي پارتيالاردىڭ اتاۋلارى، سونداي-اق «بارىنە قارسىمىن» جولى ورنالاسقان.

وسك مۇشەسى ميحايل بورتنيك ايتقانداي، بيۋللەتەندەر ءۇشىن پوليگرافيالىق قورعانىس قاراستىرىلعان. ونىڭ ىشىندە وفسەتتىك باسۋ ادىسىمەن تۇسىرىلگەن ەلەمەنتتەر، سونداي-اق ءتۇستىڭ، باسپا ءشريفتىنىڭ بەلگىلەنگەن پارامەترلەرى جانە باسقا دا قورعانىس ەلەمەنتتەرى بار.

بيۋللەتەندەردى سايلاۋ ۋچاسكەلەرىنە جەتكىزۋ داۋىس بەرۋ كۇنىنە دەيىن ءۇش كۇننەن ەرتە ەمەس باستالىپ، داۋىس بەرۋ باستالعانعا دەيىن ءبىر تاۋلىكتەن كەشىكتىرىلمەي اياقتالادى. تيراج سايلاۋشىلار سانىنا سايكەس 1% رەزەرۆپەن باسىپ شىعارىلادى.

Abai.kz