2026 جىلعى قاڭتار-شىلدەدە ورىندالعان قۇرىلىس جۇمىستارىنىڭ كولەمى 15,3%-عا ءوسىپ، 5 061,1 ملرد. تەڭگەنى قۇرادى.

قۇرىلىس جۇمىستارىنىڭ (قىزمەتتەرىنىڭ) تۇرلەرى بويىنشا ەڭ كوپ ۇلەستى اۆتوموبيل، تەمىرجولدارى مەن مەترولار (24,7%), تۇرعىن ەمەس عيماراتتار (جالپى كولەمگە 21,4%) جانە تۇرعىن ۇيلەردىڭ (13,4%) قۇرىلىسى الادى.

ايتا كەتەيىك، رەسپۋبليكا بويىنشا قۇرىلىس جۇمىستارىنىڭ جالپى كولەمىنەن جەكە قۇرىلىس ۇيىمدارىمەن 90,1%، شەتەلدىك – 9,2%، مەملەكەتتىك – 0,7% ورىندالدى.

2026 جىلعى قاڭتار-شىلدەدە قۇرىلىس جۇمىستارى كولەمىنىڭ 2025جىلعى قاڭتار-شىلدەمەن سالىستىرعاندا ءوسۋى يماراتتاردى سالۋ جانە جوندەۋ جۇمىستارىنا(19,5%) بايلانىستى.

اۋماقتىق بولىنىستە رەسپۋبليكانىڭ ون سەگىز وڭىرىندە قۇرىلىس جۇمىستارى كولەمىنىڭ ۇلعايۋى بايقالادى. ەداۋىر ءوسۋ ۇلىتاۋ وبلىسى (3 ەسە), قىزىلوردا (34,9%), پاۆلودار (32%), اتىراۋ (27,9%), تۇركىستان (25,7%), شىعىس قازاقستان (24,5%), اباي (23,1%), قوستاناي (22,3%), باتىس قازاقستان (17,3%) جانە جامبىل وبلىستارىندا (14,7%), الماتى قالاسىندا (23,3%) بايقالادى.

2026 جىلعى قاڭتار-شىلدەدە پايدالانۋعا بەرىلگەن جاڭا وبەكتىلەردىڭ جالپى الاڭى 12339 مىڭ شارشى مەتردى قۇرادى.

پايدالانۋعا بەرىلگەن تۇرعىن ۇيلەردىڭ جالپى الاڭى 2025جىلعى قاڭتار-شىلدەمەن سالىستىرعاندا 3,9% كوبەيدى، 9746مىڭ شارشى مەتردى قۇرادى، ولاردان 6546,4 مىڭ شارشى مەتر – كوپ پاتەرلى جانە 3157,9 مىڭ شارشى مەتر – جەكە ۇيلەر. تۇرعىن ۇيلەردىڭ ەداۋىر بولىگىن – 9289,5 مىڭ شارشى مەتردى نەمەسە 95,3%-ىن جەكە قۇرىلىس سالۋشىلار، ونىڭ ىشىندە، 3321,3 مىڭ شارشى مەتردى حالىق پايدالانۋعا بەرگەن.

2026 جىلعى قاڭتار-شىلدەدە ءبىلىم بەرۋ جانە دەنساۋلىق ساقتاۋ سالاسىندا 18090 وقۋ ورنىنا ارنالعان 32 جالپى ءبىلىم بەرەتىن مەكتەپ، 4207 ورىنعا ارنالعان 32 مەكتەپكە دەيىنگى ۇيىمدار جانە اۋىسىمدا 198 كەلىپ-كەتۋشىگە ارنالعان 6 امبۋلاتوريالىق-ەمحانالىق ۇيىمدار، سونداي-اق اۋرۋحاناعا 120 توسەك-ورىنقوسىمشا پايدالانۋعا بەرىلدى.

Abai.kz