قوناەۆ قالاسىنى ورتالىق  الاڭىندا   ASPAN FEST مەگا فەستيۆالىنىڭ جابىلۋ سالتاناتى ءوتتى.  ماۋسىم ايىندا   باستاۋ العان مادەني ءىس-شارا قوناەۆ قالاسىنىڭ تۇرعىندارى مەن قوناقتارىن ءار اي سايىن   اۋەزدى اۋەنمەن  شاتتتاندىردى.

بيىل جاز ايلارىندا  قوناەۆ قالاسىنىڭ تۇرعىندارى مەن قوناقتارى وتاندىق ەسترادا جۇلدىزدارىنىڭ مۋزىكالىق شوۋىن تاماشالاۋعا مۇمكىندىك الدى. فەستيۆالگە كەلۋشىلەر ءۇشىن دەمەۋشىلەردىڭ قولداۋىمەن ۇتىس ويىندارى دا وتكىزىلدى. ۇيىمداستىرۋشىلاردىڭ ايتۋىنشا، اۋقىمدى كەشتەردىڭ تەگىن وتۋىنە وبلىس اكىمدىگى قولداۋ كورسەتكەن.

– فەستيۆالگە ەلگە  تانىمال  كوپتەگەن ەسترادا جۇلدىزدارى قاتىستى. شارا اياسىندا ءوز ونەرپازدارىمىزدا ساحنادا ونەر كورسەتتى. فەستيۆال الماتى وبلىسىنىڭ تۇرعىندارىنا سەرپىلىس سىيلاۋ ماقساتىندا دەمەۋشىلەردىڭ قولداۋىمەن ۇيىمداستىرىلعان. وسىلاي قالا تۇرعىندارى مەن قوناقتارىنا كوڭىلدى كەش، ۇمىتىلماس اسەر سىيلاۋعا كۇش سالدىق،– دەدى وبلىستىق مادەنيەت،ارحيۆتەر جانە قۇجاتتاما باسقارماسىنىڭ باسشىسى ءانۋار ۇمبەتاليەۆ.

وبلىس ورتالىعىندا  وتكەن  ASPAN FEST مەگا فەستيۆالىنىڭ جابىلۋ سالتا-تىندا ساحنا تورىندە قايرات نۇرتاس، «مۋزارت» توبى، ءابدىجاپپار القوجا، زاتتىبەك كوپبوسىنۇلى، Raim, Alem, سونداي-اق زارينا وماروۆا، رايىم ۋايس، دانا كەنتاي جانە وزگە دە ونەرپازدار ونەر كورسەتەدى. فەستيۆال بارىسىندا كورەرمەندەرگە ارنالعان ارنايى باعدارلامالار مەن سىيلىقتار ويناتىلىپ، «تازا قازاقستان» ەكولوگيالىق باعدارلاماسى مەن «زاڭ مەن ءتارتىپ» قاعيداتى ءتۇسىندىرۋ جۇمىستارى ءجۇرىلدى. ايتا كەتەيىك، مەگا فەستيۆالدىڭ جابىلۋ سالتاناتىنا 15 مىڭنان استام كورەرمەن جينالىپ، بەلسەندىلىك تانىتقان قاتىسۋشىلارعا ارنايى سىيلىقتار تابىستالدى. كورەرمەندەر بيىلعى ASPAN FEST مەگا فەستيۆالىنىڭ جوعارى دەڭگەيدە وتكەنىن ايتتى.

Abai.kz