كاسپي قۇبىر كونسورتسيۋمىنا جاسالعان شابۋىلداردىڭ سالدارىنان ەلىمىزدە مۇناي ءوندىرۋ كولەمى 98 ملن توننادان 96 ملن تونناعا دەيىن قىسقارتىلدى. بۇل تۋرالى بۇگىن ۇكىمەت وتىرىسىنان كەيىنگى بريفينگىدە ەنەرگەتيكا ءمينيسترى ەرلان اقكەنجەنوۆ ايتتى.

- قاڭتاردا، ودان كەيىن ماۋسىم-شىلدە ايلارىندا جالعاسقان شابۋىلداردىڭ سالدارىنان شامامەن 3,5 ملن توننا مۇناي جوعالتتىق. وسىدان كەيىن تشو اكتسيونەرلەرى كۇردەلى جوندەۋ جۇمىستارىن جاساماۋ تۋرالى شەشىم قابىلدادى. كەلەسى جىلعا اۋىستىرىلدى، - دەدى مينيستر.

ونىڭ اتاپ وتۋىنشە، كەلەسى جىلى NCOC وپەراتورىنىڭ كەن ورىندارىندا دا جوندەۋ جۇمىستارىن جۇرگىزۋگە شەشىم قابىلدانعان.

- ءبىز بيىل 98 ملن توننا مۇناي ءوندىرۋدى جوسپارلانعان ەدىك. قازىر جوسپار 96 ملن تونناعا تۇزەتىلدى. كقك-عا جاسالعان شابۋىلدان وندىرىلمەگەن مۇناي كولەمى 3,5 ملن توننانى قۇرايدى، - دەدى ەرلان اقكەنجەنوۆ.

Abai.kz