دۇنيەجۇزىلىك گەوساياسي ارەنادا ۇلكەن بۇرىلىس ورىن الۋدا. باتىستىڭ سانكتسيالىق قىسىمى مەن حالىقارالىق وقشاۋلاۋدىڭ قىسپاعىندا قالعان ۆلاديمير پۋتين قايتادان قىتاي توراعاسى شي ءجيڭپيڭنىڭ قولداۋىن ىزدەۋگە ءماجبۇر.

Wall Street Journal اناليتيكتەرى بۇل جاعدايدى رەسەيدىڭ جاھاندىق ىقپالى مەن ديپلوماتيالىق سالماعىنىڭ ايتارلىقتاي تومەندەۋى رەتىندە باعالاپ وتىر.

نەگە بۇل تاقىرىپ ءدال قازىر وتتاي مازداپ تۇر؟

اسيممەتريالى تاۋەلدىلىك: بۇگىندە ماسكەۋ مەن بەيجىڭ اراسىنداعى «تەڭ سەرىكتەستىك» تۋرالى ءسوز قوزعاۋ قيىن. رەسەي ەكونوميكاسى، شيكىزات ەكسپورتى جانە تەحنولوگيالىق يمپورت بويىنشا قىتايعا تولىعىمەن دەرلىك كىرىپتار بولىپ قالدى.

ايماقتىق باسەكەلەستىك: باتىسپەن تەكەتىرەس كۇشەيگەن سايىن ماسكەۋ ءوزىنىڭ بۇرىنعى ىقپال ەتۋ ايماقتارىندا دا (سونىڭ ىشىندە ورتالىق ازيادا) پوزيتسياسىن بوساتىپ جاتىر. ال بۇل ۆاكۋمدى بەيجىڭ بەلسەندى تۇردە تولتىرۋدا.

شي ءجيڭپيڭنىڭ گەوساياسي ويىنى: قىتاي كرەملگە ديپلوماتيالىق ارقاۋ بولعانىمەن، ءوز ەكونوميكالىق جانە ستراتەگيالىق مۇددەلەرىن ەشقاشان ۇمىتپايدى. بەيجىڭ ماسكەۋدى ءوز مۇددەسىنە جىعىپ بەرىپ، رەسۋرستاردى ارزان باعامەن الۋ مۇمكىندىگىن قالت جىبەرمەي وتىر.

بۇل — جاي عانا ەكى ليدەردىڭ كەزدەسۋى ەمەس. بۇل — شىعىس پەن باتىس اراسىنداعى جاڭا الەمدىك ءتارتىپتىڭ قالىپتاسۋى جانە رەسەيدىڭ دەربەس دەرجاۆا رەتىندەگى ءرولىنىڭ السىرەۋىنىڭ ايقىن كورىنىسى!

رەسەيدىڭ قىتايعا بۇلايشا ارقا سۇيەۋى ۇزاق مەرزىمدە ورتالىق ازيا ايماعىنا جانە جاھاندىق ساياساتقا قالاي اسەر ەتەدى.

ءابىل-سەرىك الىاكبار

Abai.kz