«قازاق گازەتتەرى» جشس باس ديرەكتورى بولىپ بايتىلەس ەرجان ايتورەۇلى تاعايىندالدى.

ەرجان بايتىلەس 1981 جىلى قىزىلوردا وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن جۋرناليستيكا ماماندىعى بويىنشا تامامداعان.

قارىمدى قالامگەر «الماتى اقشامى»، «التى الاش»، «انا ءتىلى»، «Egemen Qazaqstan» سەكىلدى ەلىمىزدىڭ ىرگەلى باسىلىمدارىندا ءتىلشى قىزمەتىن اتقارىپ، جۋرناليستيكانىڭ بارلىق ساتىسىنان ءوتتى.

2008-2011 جىلدارى رەسپۋبليكالىق «انا ءتىلى» گازەتى باس رەداكتورىنىڭ ءبىرىنشى ورىنباسارى بولدى. كەيىن رەسپۋبليكالىق «Egemen Qazaqstan» گازەتىنىڭ قىزىلوردا وبلىسىنداعى مەنشىكتى ءتىلشىسى بولىپ جۇمىس ىستەگەن.

2018-2019 جىلدارى «Nur Otan» پارتياسى قىزىلوردا وبلىستىق فيليالى توراعاسىنىڭ ورىنباسارى بولدى.

2019 جىلى پرەزيدەنتتىڭ ءباسپاسوز قىزمەتى سەكتورىنىڭ مەڭگەرۋشىسى، 2021 جىلدان 2023 جىلعا دەيىن مەملەكەتتىك كەڭەسشى حاتشىلىعى مەڭگەرۋشىسىنىڭ ورىنباسارى قىزمەتىن اتقاردى.

ال 2023 جىلدان پرەزيدەنت ءباسپاسوز حاتشىسىنىڭ ورىنباسارى قىزمەتىن اتقاردى.

ايتا كەتەيىك، بۇعان دەيىن «قازاق گازەتتەرى» جشس-ءىن پروفەسسور، ۇعا اكادەميگى ديحان قامزابەكۇلى 2022 جىلدان بەرى باسقارىپ كەلدى.

ەسكە سالايىق، ديحان قامزابەكۇلى قازاقستان رەسپۋبليكاسى قۇرىلتايىنىڭ دەپۋتاتى بولىپ سايلاندى.

Abai.kz