قازاقستان پرەزيدەنتى قاسىم-جومارت توقاەۆ بىشكەكتەگى شىۇ سامميتىندە گەوساياسي تەكەتىرەس پەن اسكەري تاۋەكەلدەردى ازايتۋدى ۇسىندى.

قازاقستان پرەزيدەنتى قاسىم-جومارت توقاەۆ بىشكەكتە ءوتىپ جاتقان شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىندا قارۋلى قاقتىعىستاردىڭ سالدارى اسكەري ءىس-قيمىل ءجۇرىپ جاتقان اۋماقپەن شەكتەلمەي، عالامدىق دەڭگەيگە تاراپ جاتقانىن ايتتى.

مەملەكەت باسشىسىنىڭ سوزىنشە، قازىرگى الەمدە گەوساياسي باقتالاستىق كۇشەيىپ، مەملەكەتتەر اراسىنداعى ءوزارا سەنىم السىرەپ بارادى. مۇنداي جاعدايدا حالىقارالىق ۇيىمداردىڭ، سونىڭ ىشىندە شىۇ-نىڭ جاۋاپكەرشىلىگى ارتا تۇسەدى.

«اسىرەسە، قارۋلى قاقتىعىستاردىڭ سالدارى كوبىنە اسكەري ءىس-قيمىل ايماقتارىنان تىسقارى جەردى شارپىپ، حالىقارالىق نارىقتارعا، كوممەرتسيالىق كەمە قاتىناسىنا، ورنىقتى ەنەرگەتيكالىق جانە كولىك بايلانىستارىنا نۇقسان كەلتىرىپ جاتقانى الاڭداتادى. سونىمەن قاتار داعدارىستىڭ ترانسشەكارالىق سيپاتتا بەلەڭ الۋ قاۋپى كۇشەيىپ كەلەدى»، – دەدى توقاەۆ.

Abai.kz