ۇلتتىق ستاتيستيكا بيۋروسىنىڭ مالىمەتىنشە، 2026 جىلدىڭ باسىنان بەرى قازاقستان حالقىنىڭ سانى شامامەن 105 مىڭ ادامعا كوبەيدى.

ەلدە قانشا ادام تۇرادى؟

2026 جىلعى 1 تامىزداعى جاعداي بويىنشا قازاقستان حالقىنىڭ سانى 20 604 819 ادامعا جەتتى. جىل باسىندا بۇل كورسەتكىش 20 499 822 ادام بولعان ەدى. وسىلايشا، جەتى ايدىڭ ىشىندە حالىق ءوسىمى 104 997 ادامدى قۇرادى.

• ايەلدەر: 10 531 747 ادام

• ەرلەر: 10 073 072 ادام

ەل تۇرعىندارىنىڭ باسىم بولىگى قالالىق جەرلەردە شوعىرلانعان. تامىز ايىنىڭ باسىنداعى دەرەك بويىنشا قالالاردا 13,2 ميلليوننان استام ادام تۇرادى. جىل باسىنان بەرى قالا حالقىنىڭ سانى 126 649 ادامعا ارتتى.

اۋىل حالقى ازايىپ كەلەدى

ال وسى كەزەڭدە اۋىل تۇرعىندارىنىڭ سانى 21 652 ادامعا قىسقارعان. قازىرگى ۋاقىتتا اۋىلدىق جەرلەردە شامامەن 7,4 ميلليون قازاقستاندىق تۇرادى.

حالىقتىڭ نەگىزگى بولىگى بۇرىنعىشا ءىرى مەگاپوليستەر مەن حالىق تىعىز ورنالاسقان وڭىرلەردە تۇرىپ جاتىر:

1. الماتى قالاسى — ~2,3 ملن ادام

2. تۇركىستان وبلىسى — ~2,1 ملن ادام

3. استانا قالاسى — ~1,6 ملن ادام

4. الماتى وبلىسى — ~1,6 ملن ادام

5. شىمكەنت قالاسى — ~1,3 ملن ادام

Abai.kz