ورتالىق ازيا گەوساياساتتى كوز الدىمىزدا قايتا جازىلىپ جاتىر! كەزىندە ۇلى جىبەك جولىنىڭ جۇرەگى بولعان وزبەكستان بۇگىندە اقش، قىتاي جانە رەسەي سياقتى الەمدىك دەرجاۆالاردىڭ «تەكەتىرەس الاڭىنا» ەمەس، وزىندىك دەربەس ويىن جۇرگىزەتىن قۋاتتى ويىنشىعا اينالدى.

سوندا «جاڭا وزبەكستان» ستراتەگياسى ايماقتاعى كۇشتەر تەپە-تەڭدىگىن قالاي وزگەرتتى؟ نەگە گەوپوليتيكالىق باسەكەلەستىك تاشكەنتتىڭ توڭىرەگىندە ۋشىقتى؟

وقشاۋلانۋدان – اشىق ديپلوماتياعا: يسلام كاريموۆ داۋىرىندەگى شەكتەۋلەر ارتتا قالدى. شاۆكات ميرزيوەۆ بيلىككە كەلگەلى وزبەكستان كورشىلەرىمەن شەكارا ماسەلەسىن شەشىپ، ورتالىق ازيانى ورتاق ينتەگراتسيالىق كەڭىستىككە اينالدىرۋعا كۇش سالۋدا.

جىبەك جولىنىڭ جاڭا تراەكتورياسى (BRI vs. Aقش ينفراقۇرىلىمى): بەيجىڭ تاشكەنتتى «ءبىر بەلدەۋ – ءبىر جول» جوباسىنىڭ نەگىزگى تورابى دەپ سانايدى. ال ۋاشينگتون مەن بريۋسسەل ورتالىق ازيانىڭ قىتايعا تىم تاۋەلدى بولىپ كەتپەۋىن قاداعالاپ، التەرناتيۆتى لوگيستيكالىق باعىتتار مەن ينۆەستيتسيا ۇسىنۋدا.

دەرجاۆالار اراسىنداعى بالانس: وزبەكستان ەشقانداي بلوكتىڭ «ساتەلليتىنە» اينالماي، ءوز ۇلتتىق مۇددەسىن ءبىرىنشى ورىنعا قويۋدا. بۇل گەوساياسي شەبەرلىك پە، الدە ۇلكەن تاۋەكەل مە؟

قازاقستان مەن وزبەكستان: باسەكەلەستىك پە، الدە ستراتەگيالىق اليانس پا؟ تاشكەنتتىڭ ەكونوميكالىق جانە دەموگرافيالىق سەرپىنى ايماقتاعى كوشباسشىلىق رولگە قالاي اسەر ەتەدى؟ ورتالىق ازياداعى ىقپالداستىق ايماققا سىرتقى كۇشتەردىڭ قىسىمىن ازايتۋعا كومەكتەسە مە؟ وسى ساۋالدارعا قاتىستى ءوز پىكىرىڭىزدى Abai.kz اقپاراتتىق پورتالىنىڭ الەۋمەتتىك جەلىدەگى پاراقشالارىندا جازىڭىز...

تەلەگرام ارنامىز: Abai.kz - abaiaqparat

Abai.kz