«تۇركى مادەنيەتى جانە مۇراسىنىڭ امباسسادورى» قۇرمەتتى اتاعى تابىستالدى.

2026 جىلعى 3 قىركۇيەكتە تاشكەنت قالاسىندا وتكەن «تۇركى الەمىنىڭ رۋحاني مۇراسى: ادەبيەت – داۋىرلەر مەن ۇرپاقتار ساباقتاستىعى» اتتى وزبەكستان جانە قازاقستان جازۋشىلارىنىڭ فورۋمى اياسىندا تۇركى الەمىنىڭ مادەني-گۋمانيتارلىق ىنتىماقتاستىعىن دامىتۋعا، ورتاق رۋحاني قۇندىلىقتاردى ساقتاۋعا جانە دارىپتەۋگە قوسقان ۇلەسى ءۇشىن بىرقاتار كورنەكتى تۇلعالارعا تۇركى مادەنيەتى جانە مۇراسى قورىنىڭ «تۇركى مادەنيەتى جانە مۇراسىنىڭ امباسسادورى» (Ambassador of the Turkic Culture and Heritage) قۇرمەتتى اتاعى تابىستالدى.

قۇرمەتتى اتاققا وزبەكستان رەسپۋبليكاسى پرەزيدەنتىنىڭ كەڭەسشىسى حايريددين سۇلتانوۆ، قازاقستان رەسپۋبليكاسى پرەزيدەنتىنىڭ كەڭەسشىسى مالىك وتارباەۆ، وزبەكستان رەسپۋبليكاسىنىڭ مادەنيەت ءمينيسترى وزودبەك نازاربەكوۆ، وزبەكستان جازۋشىلار وداعىنىڭ توراعاسى سيروجيددين ساييد جانە قازاقستان جازۋشىلار وداعىنىڭ توراعاسى مەرەكە قۇلكەنوۆ يە بولدى.

اتاقتى تۇركى مادەنيەتى جانە مۇراسى قورىنىڭ پرەزيدەنتى اقتوتى رايىمقۇلوۆا تابىستادى.

ەسكە سالا كەتەيىك، ءدال وسى قۇرمەتتى اتاقتى 2025 جىلى العاش رەت الەمگە ايگىلى TURAN ءانسامبلى دە يەلەنگەن بولاتىن.

«تۇركى مادەنيەتى جانە مۇراسىنىڭ امباسسادورى» قۇرمەتتى اتاعى تۇركى الەمىنىڭ رۋحاني بىرلىگى مەن ورتاق قۇندىلىقتارىن نىعايتۋعا قىزمەت ەتىپ جۇرگەن تۇلعالارعا كورسەتىلگەن ەرەكشە قۇرمەتتىڭ بەلگىسى.

Abai.kz