جىل سايىن 5 قىركۇيەكتە قازاقستان حالقى تىلدەرى كۇنى اتاپ وتىلەدى.

بۇل – ەلىمىزدەگى بارلىق ەتنوس وكىلدەرىنىڭ تىلدەرى مەن مادەنيەتتەرىنە قۇرمەت كورسەتەتىن، انا ءتىلىنىڭ قادىر-قاسيەتىن ۇلىقتايتىن ەرەكشە مەرەكە. ءتىل – ءار حالىقتىڭ رۋحاني بايلىعى، تاريحى مەن مادەنيەتىنىڭ ايناسى. سوندىقتان تىلگە قۇرمەت كورسەتۋ – ەلگە، ۇلتقا جانە ونىڭ رۋحاني قۇندىلىقتارىنا دەگەن قۇرمەتتىڭ بەلگىسى.قازاقستان – كوپتەگەن ۇلت پەن ۇلىستىڭ وكىلدەرى تاتۋ-ءتاتتى ءومىر ءسۇرىپ جاتقان مەملەكەت. وسىنداي كوپۇلتتى ەلىمىزدە ءتىل حالىقتار اراسىنداعى دوستىقتى نىعايتىپ، ءوزارا تۇسىنىستىك پەن سىيلاستىقتى ارتتىراتىن ماڭىزدى قۇرال بولىپ تابىلادى. سوندىقتان ءتىل – دوستىق پەن تاتۋلىقتىڭ التىن كوپىرى دەپ ايتۋعا تولىق نەگىز بار.

قازاق ءتىلى – ەلىمىزدىڭ مەملەكەتتىك ءتىلى، حالقىمىزدىڭ عاسىرلار بويى ساقتاپ كەلە جاتقان اسىل مۇراسى. انا ءتىلىمىز ارقىلى ۇلتتىق تاريحىمىزدى، سالت-ءداستۇرىمىزدى، مادەنيەتىمىز بەن رۋحاني قۇندىلىقتارىمىزدى كەيىنگى ۇرپاققا جەتكىزەمىز. مەملەكەتتىك ءتىلدى قۇرمەتتەۋ – ءاربىر قازاقستان ازاماتىنىڭ ورتاق پارىزى.سونىمەن قاتار ەلىمىزدە ءومىر ءسۇرىپ جاتقان وزگە ەتنوستاردىڭ تىلدەرى مەن مادەنيەتتەرىنە قۇرمەتپەن قاراۋ – حالقىمىزدىڭ بىرلىگى مەن تاتۋلىعىنىڭ جارقىن كورىنىسى. ءبىر-ءبىرىنىڭ ءتىلىن تۇسىنۋگە ۇمتىلۋ، مادەنيەتىن قۇرمەتتەۋ ادامداردى جاقىنداستىرىپ، دوستىقتى نىعايتادى.تىلدەر كۇنى – بارشاعا انا ءتىلىنىڭ قادىرىن تەرەڭ سەزىنۋگە مۇمكىندىك بەرەتىن مەرەكە. بۇل كۇن اربىرىمىزگە ءتىلدىڭ تەك قارىم-قاتىناس قۇرالى عانا ەمەس، حالىقتىڭ رۋحاني تىرەگى ەكەنىن ەسكە سالادى.

ەلىمىزدىڭ ەڭ ۇلكەن بايلىعى – بەيبىتشىلىك پەن تاتۋلىق. ال سول تاتۋلىقتى ساقتاۋدا ءتىلدىڭ اتقاراتىن ورنى ەرەكشە. ورتاق قۇندىلىقتاردى قۇرمەتتەۋ، مەملەكەتتىك ءتىلدى دامىتۋ جانە ءار حالىقتىڭ انا تىلىنە سىيلاستىق تانىتۋ – بەرىك بىرلىكتىڭ نەگىزى.

ءتىل – ۇلتتىڭ جانى، حالىقتىڭ جۇرەگى، ۇرپاقتان ۇرپاققا جالعاسىپ كەلە جاتقان باعا جەتپەس رۋحاني مۇرا. ءتىل بار جەردە – تاريح بار، ءتىل بار جەردە – مادەنيەت بار، ءتىل بار جەردە – حالىقتىڭ بولاشاعى بار. سوندىقتان انا ءتىلىمىزدى ارداقتاۋ، مەملەكەتتىك ءتىلدىڭ مارتەبەسىن بيىكتەتۋ – ءاربىر ازاماتتىڭ قاسيەتتى پارىزى.قازاقستان حالقى تىلدەرى كۇنى بىزگە ءتىلدىڭ ادامداردى بولمەيتىنىن، كەرىسىنشە، جۇرەكتەردى جاقىنداستىرىپ، حالىقتاردى دوستىق پەن تاتۋلىققا باستايتىنىن تاعى ءبىر مارتە ەسكە سالادى. ءبىر-ءبىرىمىزدىڭ تىلىمىزگە قۇرمەتپەن قاراپ، مادەنيەتىمىزدى قادىرلەي بىلسەك، ەلىمىزدىڭ بىرلىگى دە، ىنتىماعى دا نىعايا تۇسەرى ءسوزسىز.

ءتىل – وتكەنىمىزدىڭ اماناتى، بۇگىنىمىزدىڭ بايلىعى، بولاشاعىمىزدىڭ كەپىلى. ەندەشە، ءتىلىمىزدى قۇرمەتتەيىك، تاتۋلىعىمىزدى ساقتايىق، دوستىعىمىزدى بەكەمدەيىك! ويتكەنى ءتىل – دوستىق پەن تاتۋلىقتىڭ التىن كوپىرى، ال بىرلىگى بەكەم ەلدىڭ بولاشاعى ارقاشان جارقىن!

باعلان تاشيموۆ

Abai.kz