جىل باسىنان بەرى قازاقستاندىق جۇمىس بەرۋشىلەر ەلەكتروندى ەڭبەك بيرجاسىندا 845 مىڭ بوس جۇمىس ورنىن ورنالاستىردى، ونىڭ 432 مىڭى — جۋمىسشى ماماندارعا ارنالعان. بۇل تۋرالى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتاەۆ مالىمدەدى.

ءمينيستردىڭ ايتۋىنشا، پورتال ارقىلى جۇمىس ىزدەۋشىلەردىڭ 60–70%-ى جۇمىسقا ورنالاسادى. دەگەنمەن، جاريالانعان بوس ورىنداردىڭ 30–40%-ى بويىنشا جۇمىس بەرۋشىلەر قاجەتتى مامانداردى تابا الماي كەلەدى. كادر تاپشىلىعى سالدارىنان كومپانيالار ۋاقىتشا شەتەلدىك جۋمىس كۇشىن تارتۋعا ءماجبۇر — جىل سايىن قازاقستانعا جۇمىس ىستەۋ ءۇشىن 300 مىڭعا جۋىق شەتەلدىك كەلەدى.

«ياعني، جۇمىس ىستەگىسى كەلگەن ادامعا جۇمىس تابىلادى عوي؟» — دەپ سۇرادى پرەمەر-مينيستر ولجاس بەكتەنوۆ.

«ءيا. جۇمىس ىستەگىسى كەلگەن ادامعا جۇمىس بار»، — دەپ جاۋاپ بەردى ەرتاەۆ.

Abai.kz