«ADALDYQ CUP» ينتەللەكتۋالدىق ويىنى ءوتتى
2026 جىلعى 10 قىركۇيەكتە الماتى قالاسىندا ادالدىق، قىزمەتتىك ادەپ، مۇددەلەر قاقتىعىسىنىڭ الدىن الۋ جانە سىبايلاس جەمقورلىققا قارسى مادەنيەتتى قالىپتاستىرۋ ماسەلەلەرىنە ارنالعان «ADALDYQ CUP» ينتەللەكتۋالدىق-كوماندالىق ۆيكتوريناسى وتتى.
ءىس-شارانى «اقپاراتتىق-رەسۋرستىق ورتالىق» قوعامدىق قورى الماتى قالاسى ىشكى ساياسات باسقارماسىنىڭ مەملەكەتتىك الەۋمەتتىك تاپسىرىسى اياسىندا جۇزەگە اسىرىلاتىن «بولاشاق – سىبايلاس جەمقورلىققا قارسى» جوباسى شەڭبەرىندە قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىمەن بىرلەسىپ ۇيىمداستىردى.
ۆيكتورينانىڭ نەگىزگى ماقساتى — مەملەكەتتىك قىزمەتتەگى ادالدىق پەن جاۋاپكەرشىلىك قاعيداتتارىن نىعايتۋ، مەملەكەتتىك ورگاندار قىزمەتكەرلەرىنىڭ قۇقىقتىق ساۋاتتىلىعىن ارتتىرۋ، سونداي-اق جۇمىس ورنىندا ادالدىق مادەنيەتىن قالىپتاستىرۋ.
ينتەللەكتۋالدىق ويىنعا التى مەملەكەتتىك ورگاننىڭ كوماندالارى قاتىستى:
- الماتى قالاسى بويىنشا قازىناشىلىق دەپارتامەنتى.
- الماتى قالاسى الاتاۋ اۋدانى بويىنشا مەملەكەتتىك كىرىستەر باسقارماسى.
- الماتى قالاسى ادىلەت دەپارتامەنتى.
- مەدەۋ اۋدانىنىڭ سانيتاريالىق-ەپيدەميولوگيالىق باقىلاۋ باسقارماسى.
- تۇركسىب اۋدانىنىڭ سانيتاريالىق-ەپيدەميولوگيالىق باقىلاۋ باسقارماسى.
- قازاقستان رەسپۋبليكاسى قارجى مينيسترلىگى ىشكى مەملەكەتتىك اۋديت كوميتەتىنىڭ الماتى قالاسى بويىنشا ىشكى مەملەكەتتىك اۋديت دەپارتامەنتى.
«ADALDYQ CUP» باعدارلاماسى ءتورت كونكۋرستىق كەزەڭنەن تۇردى. ءار كەزەڭ قاتىسۋشىلاردىڭ ءبىلىمىن، كوماندالىق داعدىلارىن جانە ءتۇرلى جاعدايلاردا شەشىم قابىلداۋ قابىلەتتەرىن باعالاۋعا باعىتتالدى.
ءبىرىنشى كەزەڭ — «ءبىزدىڭ قىزمەتىمىز — ءبىزدىڭ ادالدىعىمىز». كوماندالار ءۇي تاپسىرماسى رەتىندە شىعارماشىلىق قويىلىمدارىن ۇسىندى. ءوز ونەرلەرىندە قاتىسۋشىلار ۇجىمنىڭ بىرلىگىن، قىزمەتتىك مىندەتتەرگە جاۋاپكەرشىلىكپەن قاراۋدى، ادالدىق پەن اشىقتىق قاعيداتتارىنا بەيىلدىلىگىن كورسەتتى.
ەكىنشى كەزەڭ «تەز ويلا» بليتس-ءتۋرنيرى فورماتىندا ءوتتى. شەكتەۋلى ۋاقىت ىشىندە قاتىسۋشىلار مەملەكەتتىك قىزمەتشىلەردىڭ ادەپ كودەكسىنە، مۇددەلەر قاقتىعىسىنا، زاڭناما نورمالارىنا جانە مەملەكەتتىك قىزمەتتىڭ نەگىزگى قاعيداتتارىنا قاتىستى سۇراقتارعا جاۋاپ بەردى.
«ادالدىق تارازىسى» كەزەڭىندە كوماندالار پراكتيكالىق جاعدايلاردى تالداپ، زاڭناما مەن ادەپ نورمالارىنىڭ بۇزىلۋ فاكتىلەرىن انىقتادى، سونداي-اق ىقتيمال مۇددەلەر قاقتىعىستارىن ايقىندادى. بۇل فورمات قاتىسۋشىلارعا اناليتيكالىق ويلاۋ قابىلەتىن جانە العان بىلىمدەرىن تاجىريبەدە قولدانا بىلەتىنىن كورسەتۋگە مۇمكىندىك بەردى.
ۆيكتورينا «كاپيتاندار سايىسىمەن» قورىتىندىلاندى. كوماندا كاپيتاندارى ءتۇرلى دەڭگەيدەگى سۇراقتارعا جاۋاپ بەرىپ، نورماتيۆتىك قۇقىقتىق اكتىلەردى ءبىلۋىن، لوگيكالىق ويلاۋىن، تاپقىرلىعىن جانە جەدەل شەشىم قابىلداۋ قابىلەتىن كورسەتتى.
1 ورىن — الماتى قالاسى بويىنشا قازىناشىلىق دەپارتامەنتى.
2 ورىن — الماتى قالاسى ادىلەت دەپارتامەنتى.
3 ورىن — الماتى قالاسى الاتاۋ اۋدانى بويىنشا مەملەكەتتىك كىرىستەر باسقارماسى.
«ADALDYQ CUP» جەڭىمپازدارى مەن بارلىق قاتىسۋشىلاردى قۇتتىقتايمىز!
قاتىسۋشىلار وزدەرىنىڭ جوعارى دايىندىق دەڭگەيىن، كوماندالىق ۇيىمشىلدىعىن جانە مەملەكەتتىك ورگانداردا ادالدىق مادەنيەتىن ودان ءارى دامىتۋعا دەگەن قىزىعۋشىلىعىن كورسەتتى.
«ADALDYQ CUP» ينتەللەكتۋالدىق-كوماندالىق ويىنى ءبىلىم جانە پراكتيكالىق تاجىريبە الماسۋعا، كاسىبي ءوزارا ءىس-قيمىلدى نىعايتۋعا، سونداي-اق مەملەكەتتىك قىزمەت جۇيەسىندە ادالدىق، زاڭدىلىق، اشىقتىق جانە جاۋاپكەرشىلىك قاعيداتتارىن ىلگەرىلەتۋگە ارنالعان اشىق الاڭعا اينالدى.
ءىس-شارا الماتى قالاسىنىڭ الەۋمەتتىك قىزمەتتەر ۇيىندە, مەكەنجايى: دوستىق داڭعىلى، 85 مەكەنجايىندا ءوتتى.
Abai.kz
