اقش-تا قازاقستان ازاماتى ۇستالدى: ءىستىڭ ءمان-جايى...
اقش-تىڭ فلوريدا شتاتىندا يمميگراتسيالىق قىزمەت قازاقستان ازاماتىن زاڭدى ميگراتسيالىق مارتەبەسىنىڭ بولماۋىنا بايلانىستى ۇستادى، دەپ حابارلايدى قازتاگ.
«قازاقستان ازاماتى فلوريدا شتاتىنىڭ اۋماعىندا زاڭدى ميگراتسيالىق مارتەبەسى بولماعاندىقتان، اقش-تىڭ يمميگراتسيالىق قىزمەتى تاراپىنان ۇستالدى»، – دەلىنگەن قر سىرتقى ىستەر مينيسترلىگىنىڭ تۇسىنىكتەمەسىندە.
سونداي-اق ءسىم وكىلدەرى قازاقستاندىق ديپلوماتتاردىڭ اقش-تىڭ مەملەكەتتىك ورگاندارىمەن جانە ۇستالعان ازاماتتىڭ وتباسىمەن تۇراقتى بايلانىستا ەكەنىن، وعان قاجەتتى كونسۋلدىق-قۇقىقتىق كومەك كورسەتىلىپ جاتقانىن قوسا ايتتى.
Abai.kz
