«حالىق-Life» اق مەملەكەتتىك ءبىلىم بەرۋ جيناقتاۋ جۇيەسى اياسىندا باستاپقى ءبىلىم بەرۋ كاپيتالىنىڭ كەزەكتى ترانشىن بولە باستادى.

2026 جىلعى 31 تامىزدا جۇيە وپەراتورى – «قارجى ورتالىعى» اق-دان 2026 جىلدىڭ ءبىرىنشى جارتىجىلدىعىنا ارنالعان جالپى سوماسى 65 134 500 تەڭگە بولاتىن باستاپقى ءبىلىم بەرۋ كاپيتالىنىڭ كەزەكتى ترانشى كەلىپ ءتۇستى. قاراجات ءبىلىم بەرۋ جيناقتاۋشى ءومىردى ساقتاندىرۋ شارتتارى بويىنشا بەس كۇنتىزبەلىك كۇن ىشىندە ەسەپتەلەدى.

ساقتاندىرۋ كومپانيالارىنا مەملەكەتتىك ءبىلىم بەرۋ جيناقتاۋ جۇيەسىنە قاتىسۋ مۇمكىندىگى 2022 جىلعى قىركۇيەكتە ءتيىستى زاڭنامالىق وزگەرىستەر كۇشىنە ەنگەننەن كەيىن بەرىلدى. 2022 جىلعى 29 جەلتوقساندا «حالىق-Life» اق ءومىردى ساقتاندىرۋ كومپانيالارىنىڭ اراسىندا ءبىرىنشى بولىپ ءتيىستى ليتسەنزيا الدى، ال 2023 جىلعى اقپاندا ءومىردى ساقتاندىرۋعا ارنالعان Bilim-Life ءبىلىم بەرۋ جيناقتاۋ باعدارلاماسىن ىسكە قوستى.

باعدارلاما ءبىلىم بەرۋ كاپيتالىن قالىپتاستىرۋدىڭ بىرنەشە جولىنىڭ باسىن قوسادى: ساقتاندىرۋ ۇيىمى ۇسىناتىن كەپىلدى كىرىس، جىل سايىنعى مەملەكەتتىك سىيلىقاقى – 5%، ال جەكەلەگەن باسىم ساناتتار ءۇشىن 7%، سونداي-اق ساقتاندىرۋ قورعانىسى. شارتتا كوزدەلگەن ساقتاندىرۋ جاعدايلارى ورىن العان كەزدە بالانىڭ بىلىمىنە ارنالعان جيناقتار ساقتاندىرۋ شارتىنىڭ تالاپتارىنا سايكەس قورعالادى.

2025 جىلعى ناۋرىزدا ءبىلىم بەرۋگە ارنالعان جيناقتاردى مەملەكەتتىك قولداۋشى «كەلەشەك» باعدارلاماسى ەسەبىنەن كەڭەيتىلدى. باعدارلاما مبجج اياسىندا باستاپقى ءبىلىم بەرۋ كاپيتالىن ءتولۋدى كوزدەيدى.

باستاپقى ءبىلىم بەرۋ كاپيتالى ەنگىزىلگەن ساتتەن باستاپ «حالىق-Life» اق 1 217 كليەنتتىڭ ءبىلىم بەرۋ جيناقتاۋ پوليستەرى بويىنشا 293 740 980 تەڭگە ەسەپتەدى. بۇل سوماعا 2026 جىلدىڭ ءبىرىنشى جارتىجىلدىعىنا ارنالعان ترانش تا كىرەدى.

«ءبىز ءۇشىن ءبىلىم بەرۋگە ارنالعان جيناقتاردى مەملەكەتتىك قولداۋدىڭ وتباسىلار ءۇشىن ناقتى قارجىلىق رەسۋرسقا اينالىپ، ولاردىڭ بالالارىنىڭ بولاشاعىن نەعۇرلىم سەنىمدى جوسپارلاۋىنا مۇمكىندىك بەرىپ وتىرعانى ماڭىزدى. باستاپقى ءبىلىم بەرۋ كاپيتالى جيناقتالعان قاراجاتتى تولىقتىرىپ، اتا-انالارعا بالاسىنىڭ ساپالى ءبىلىم الۋىنا الدىن الا قارجىلىق نەگىز قالىپتاستىرۋعا قوسىمشا مۇمكىندىك بەرەدى. سونىمەن قاتار، Bilim-Life جيناقتاۋ تەتىگىن ساقتاندىرۋ قورعانىسىمەن ۇشتاستىرادى. بۇل ۇزاق مەرزىمدى وتباسىلىق ماقساتتار ءۇشىن اسا ماڭىزدى»، – دەپ اتاپ ءوتتى «حالىق-Life» اق باسقارما ءتورايىمى گاۋحار بۋريباەۆا.

وقۋعا جيعان قارجىدان جاڭا مۇمكىندىكتەرگە اشىلعان جول
تاجىريبە كورسەتكەندەي، ءبىلىم الۋعا ارنالعان جيناقتار تەك وقۋ اقىسىن تولەۋ كوزى رەتىندە عانا ەمەس، بالانىڭ كەيىنگى ءبىلىم الۋىنا جانە دامۋىنا قوسىمشا مۇمكىندىكتەر جاساۋعا دا پايدالانىلۋى مۇمكىن.

2023 جىلى گۇلنارا دجۋماتوۆا سول كەزدە توعىزىنشى سىنىپتا وقىپ جۇرگەن ۇلى نۇريگە Bilim-Life باعدارلاماسىن راسىمدەدى.

بۇگىندە نۇري 17 جاستا. ول Coventry University Kazakhstan ۋنيۆەرسيتەتىنە گرانتقا وقۋعا ءتۇسىپ، International Business باعىتى بويىنشا Foundation باعدارلاماسىندا وقۋ باستاماق.

گرانتقا يە بولۋ وتباسىنىڭ باستاپقى قارجىلىق جوسپارىن وزگەرتتى. ءبىلىم اقىسىن تولەۋگە جيناقتالعان قاراجات ەندى باعدارلامانىڭ تالاپتارىنا سايكەس بالانىڭ ودان ءارى ءبىلىم الۋىنا جانە دامۋىنا پايدالانىلۋى مۇمكىن.

ءبىلىم الۋعا ارنالعان ۇزاق مەرزىمدى جيناق
باستاپقى ءبىلىم بەرۋ كاپيتالىن كەزەكتى ءبولۋ مەملەكەتتىك ءبىلىم بەرۋ جيناقتاۋ جۇيەسىنىڭ دامۋىن جانە وتباسىلاردىڭ ءبىلىم بەرۋدى ۇزاق مەرزىمدى قارجىلاندىرۋ قۇرالدارىنا قىزىعۋشىلىعىنىڭ ارتىپ كەلە جاتقانىن كورسەتەدى.

ءبىلىم بەرۋگە ارنالعان ساقتاندىرۋ بالانىڭ وقۋىنا قاجەتتى كاپيتال جيىپ، مەملەكەتتەن ءتيىستى قولداۋ الۋعا جانە جيناقتاۋ كەزەڭىندە ساقتاندىرۋ قورعانىسىن قامتاماسىز ەتۋگە مۇمكىندىك بەرەدى.

Abai.kz