2026 جىلعى قىركۇيەك ايىنىڭ 15 جۇلدىزىندا جەتىسۋ وبلىسى ورتالىعىنداعى دوستىق ءۇيى عيماراتىندا ەتنوجۋرناليستيكا سالاسىنداعى وبلىستىق «شاڭىراق» شىعارماشىلىق بايقاۋىنىڭ جەڭىمپازدارىن ماراپاتتاۋ ءراسىمى ءوتتى.

بايقاۋعا 30-عا جۋىق قاتىسۋشى ءوتىنىم ءبىلدىردى. قازىلار القاسىنىڭ شەشىمىمەن ءتورت باعىت بويىنشا ۇزدىك جۇمىستار انىقتالدى: «گران-پري»، «ۇزدىك تەلەۆيزيالىق ماتەريال»، «ۇزدىك بەينەروليك» جانە «ۇزدىك باسىلىمداعى ماقالا». جالپى 10 اۆتور جەڭىمپازدار قاتارىنان كورىندى. جەڭىمپازدارعا ارنايى مۇسىنشە، ديپلومدار جانە اقشالاي سەرتيفيكاتتار تابىستالدى.

بايقاۋدىڭ ماقساتى مەن مازمۇندىق باعىتى

«شاڭىراق» بايقاۋىنىڭ نەگىزگى ماقساتى – قوعامدىق كەلىسىم، جالپىۇلتتىق بىرلىك جانە ەتنوسارالىق قاتىناستار تاقىرىپتارىندا ساپالى ماتەريالدار دايىنداپ، جاريالاپ جۇرگەن جۋرناليستەردى، بلوگەرلەردى، ساراپشىلاردى جانە جەكە اۆتورلاردى ىنتالاندىرۋ ارقىلى وتاندىق ەتنوجۋرناليستيكانىڭ دامۋىنا ىقپال ەتۋ.

بايقاۋ مازمۇنىندا ەتنوستاردىڭ تاريحى مەن مادەنيەتى، ۇلتتىق داستۇرلەر، ەتنومادەني بىرلەستىكتەردىڭ قىزمەتى، ادامدار اراسىنداعى دوستىق پەن ءوزارا قۇرمەت، قوعامدىق كەلىسىم قۇندىلىقتارى جانە بىرلىكتى نىعايتاتىن ناقتى ادام تاعدىرلارى قامتىلعان. ماتەريالدار قازىرگى جۋرناليستيكانىڭ ءارتۇرلى جانرلارى ارقىلى – باسپاسوزدەگى ماقالا، تەلەۆيزيالىق سيۋجەت جانە بەينەروليك فورماتتارىندا ۇسىنىلعان.

شاڭىراق سيمۆوليكاسى جانە قوعامدىق ءمانى

بايقاۋدىڭ «شاڭىراق» دەپ اتالۋى مازمۇندىق تۇرعىدان سيمۆولدىق مانگە يە. شاڭىراق قازاق مادەنيەتىندە ءۇيدى، وتباسىن، ۇرپاقتار ساباقتاستىعىن بىلدىرەتىن ۇعىم رەتىندە قاراستىرىلادى. بايقاۋ ماتىنىندە بۇل وبراز قازاقستانداعى ورتاق ءۇي ۇستانىمىمەن بايلانىستىرىلىپ، ءتۇرلى ەتنوس وكىلدەرىنىڭ ءوز مادەنيەتىن، ءتىلىن جانە ءداستۇرىن ساقتاي وتىرىپ، ورتاق بولاشاق قالىپتاستىرۋ يدەياسىن جەتكىزەتىن سيمۆول رەتىندە كورسەتىلگەن.

ۇيىمداستىرۋشى تاراپ پىكىرى

جەتىسۋ وبلىسى «قوعامدىق كەلىسىم» كمم ديرەكتورى ايدوس يگەنباي قۇتتىقتاۋ سوزىندە مۇنداي شىعارماشىلىق بايقاۋلاردىڭ ماڭىزىنا توقتالدى. ونىڭ سوزىندە كونكۋرس تەك ۇزدىك جۋرناليستىك جۇمىستاردى انىقتايتىن الاڭ ەمەس، سونىمەن بىرگە قوعام نازارىن بەيبىتشىلىك، كەلىسىم جانە بىرلىك سياقتى ىرگەلى قۇندىلىقتارعا اۋدارتاتىن قۇرال رەتىندە باعالانادى. سونداي-اق ءوڭىر جۋرناليستەرىنە بەلسەندى قاتىسىپ، ەتنوسارالىق قاتىناستار، مادەنيەت جانە قوعامدىق كەلىسىم تاقىرىپتارىنا تۇراقتى نازار اۋدارعانى ءۇشىن العىس ءبىلدىردى.

بايقاۋ اياسىندا ارداگەر جۋرناليست، جەتىسۋ وبلىسى «قوعامدىق كەلىسىم» كمم جانىنداعى «جەتەكشى جۋرناليستەر» كلۋبىنىڭ توراعاسى اتساليم يديگوۆ قاتىسۋشىلار مەن جەڭىمپازداردى قۇتتىقتاپ، كاسىبي تابىس پەن شىعارماشىلىق ىزدەنىس تىلەدى. باق وكىلدەرىنە بايقاۋ توڭىرەگىندەگى تاقىرىپتاردى تەرەڭىرەك زەردەلەۋ قاجەتتىگىن اتاپ ءوتتى.

جەڭىمپازدار پىكىرى

بايقاۋ ناتيجەسىندە «ۇزدىك باسىلىمداعى ماقالا» نوميناتسياسى بويىنشا  «جەتىسۋ مەديا» ۇجىمىنىڭ ەكى وكىلى جۇلدەگەرلەر قاتارىنا ەندى. «جەتىسۋ» گازەتىنىڭ ءتىلشىسى ەڭلىك باۋىرجانقىزى جانە «ۆەستنيك جەتىسۋ» گازەتىنىڭ ساراپتامالىق-تالداۋ ءبولىمىنىڭ رەداكتورى ناتاليا دەنيسوۆا سايىس جايىندا ءوز ويىمەن ءبولىستى:

«بىرىڭعاي باق وكىلدەرى باق سىنايتىن بۇل بايقاۋ وڭىرىمىزدە 10 جىل بويى ۇزدىكسىز ۇردىسكە اينالعانى قۋانتادى. ءبىز ءۇشىن بۇل جىل سايىن تىلشىلىگى - تىرشىلىگىنە اينالعان جۋرناليستەر دوستىق ءۇيى تورىندە باس قوسىپ، قوعام مەن كەلىسىم، ىنتىماق پەن بىرلىك جايىندا اق پاراق بەتىنە قاۋزاعان اقپاراتتارىن قورىتىندىلايتىن مەرەكە ىسپەتتەس»، - دەيدى ءتورتىنشى بيلىك وكىلدەرى.

Abai.kz