قازاقستاندا 2027 جىلى حالىق كەڭەسىن قۇرۋعا رەسپۋبليكالىق بيۋدجەتتەن 1,7 ملرد تەڭگە باعىتتاۋ جوسپارلانىپ وتىر. بۇل تۋرالى قارجى ۆيتسە-ءمينيسترى ابزال بەيسەنبەكۇلى ايتىپ بەردى.

سپيكەردىڭ ايتۋىنشا، 2027 جىلى قاۋىپسىزدىك، مەملەكەتتىك باسقارۋ جانە رەزەرۆتەر باعىتىنا 4,9 ترلن تەڭگە ءبولۋ كوزدەلگەن.

شىعىستاردىڭ نەگىزگى بولىگى، ياعني 3,3 ترلن تەڭگە كۇش بلوگىنا تيەسىلى جانە مەملەكەتتىك باسقارۋعا 787 ملرد تەڭگە قاراستىرىلعان.

– ۇكىمەتتىڭ رەزەرۆى 370 ملرد تەڭگە مولشەرىندە جانە پرەزيدەنتتىڭ باستامالارىنا - 470 ملرد تەڭگە كولەمىندە رەزەرۆ قالىپتاستىرىلدى، – دەدى ابزال بەيسەنبەكۇلى قۇرىلتايدا وتكەن بيۋدجەت تانىستىرىلىمىندا.

قوسىمشا قاراجات مىنا باعىتتارعا بولىنەدى:
- 95 ملرد تەڭگە – كۇش ورگاندارىنىڭ قىزمەتكەرلەرىنە تۇرعىن ءۇي تولەمدەرىنە;
- 2,3 ملرد تەڭگە – ىشكى ىستەر مينيسترلىگى قىزمەتكەرلەرىنىڭ سانىن ارتتىرۋعا
- 1,7 ملرد تەڭگە – قازاقستان حالىق كەڭەسىن قۇرۋعا كوزدەلگەن.

جالپى وسى باعىت بويىنشا قوسىمشا شىعىستار شامامەن 89 ملرد تەڭگەنى قۇرايدى.

بۇعان دەيىن مەملەكەت باسشىسى قاسىم-جومارت توقاەۆ قىركۇيەكتىڭ ەكىنشى جارتىسىندا حالىق كەڭەسى جاساقتالاتىنىن ايتقان ەدى.

ايتا كەتەيىك، قارجى ۆيتسە-ءمينيسترى ابزال بەيسەنبەكۇلى قۇرىلتايدا «2027-2029 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تانىستىردى.

Abai.kz