Abai.kz-ءتىڭ الەۋمەتتىك جەلىسىنەن ايدارىندا بۇگىن بۇرىنعى ءماجىلىس دەپۋتاتى، قازىرگى قۇرلىتاي دەپۋتاتى ايداربەك قوجانازاروۆ جايلى از-كەم اقپارات بولىسپەكپىز...

VI دۇنيەجۇزىلىك كوشپەندىلەر ويىندارىنىڭ اشىلۋ راسىمىندە قازاقستان ۇلتتىق قۇراماسىن ەرەكشە ىقىلاسپان (ەموتسيامەن) تانىستىرعان قىرعىزستاندىق تەلەجۇرگىزۋشى ءارى جۋرناليست ايزادا جامگىرچيەۆاعا سۋ جاڭا «Changan» اۆتوكولىگى سىيعا تارتىلعان ەكەن.

كوشپەندىلەر ويىندارىنىڭ اشىلۋى سالتاناتى كەزىندەگى تۋلار شەرۋىندە ايزادا قىز قازاقستان قۇراماسى الاڭعا شىققان ساتتە «قازاقستان» دەپ ەرەكشە ىقىلاسپان جار سالىپ، قازاقستاندىق سپورتشىلارعا قولداۋ بىلدىرگەن ەدى. بۇل ءسات الەۋمەتتىك جەلىدە ىزۋ-قىزۋ تالقىلانىپ، ايزادانىڭ اسەرلى ۆيدەوسى جەلىدە كەڭ تارالدى.

وسىدان سوڭ قازاقستاننىڭ كوكپار فەدەراتسياسىنىڭ باسشىسى ايداربەك قوجانازاروۆ قىرعىز قىزىنا اۆتوكولىك سىيلاۋعا ۋادە ەتكەن. كەيىن سول ۋادەسىندە تۇرىپ، سۋ جاڭا «Changan» اۆتوكولىگى سىيعا تارتىلعان ەكەن. سىيلىق «كوكپار» مەن «كوكبورى» جارىستارىنىڭ جۇلدەگەرلەرىن ماراپاتتاۋ ءراسىمى كەزىندە بەرىلگەن.

ال ايزادا جامگىرچيەۆا سۋ جاڭا اۆتوكولىگىن بىرنەشە كۇن بۇرىن عانا ءوزىنىڭ الەۋمەتتىك جەلىدەگى پاراقشاسىندا كورسەتىپ، قازاقستان حالقىنا العىسىن ايتتى.  ول بۇل سىيلىقتى ەكى ەل اراسىنداعى  باۋىرلاستىقتىڭ بەلگىسى رەتىندە قابىلداعانىن ايتىپ: «قىرعىز بەن قازاقتى شەكارا بولگەنىمەن، جۇرەگىمىزدى ەشتەڭە اجىراتا المايدى»، - دەپ جازدى.

سۋرەت: الەۋمەتتىك جەلى سكرينى.

Abai.kz-ءتىڭ Instagram-داعى رەسمي پاراقشاسىنا جازىلىپ، قىزىقتى اقپاراتتارعا قولداۋ بىلدىرە جۇرىڭىزدەر. سىلتەمەسى: Abai.kz

Abai.kz