«پارتيادا بولاسىڭ با، بولمايسىڭ با – ماسەلە وندا ەمەس. قوعامعا از دا بولسا ۇلەسىڭدى قوسساڭ، سونىڭ ءوزى – ۇلكەن پايدا»، – دەيدى ول.

كاسىپكەر وسى ويىن ءتۇسىندىرۋ ءۇشىن الەۋمەتتىك جەلىدەن كورگەن ءبىر جاعدايدى مىسالعا كەلتىردى. ونىڭ ايتۋىنشا، بىرنەشە جۇمىسشى تۇسكى ءۇزىلىس كەزىندە اعاشتىڭ كولەڭكەسىندە وتىرىپ تاماقتانعان. مۇنى كورگەن ادامدار ولاردىڭ ەڭبەگىنە ءمان بەرۋدىڭ ورنىنا ۆيدەوعا ءتۇسىرىپ، الەۋمەتتىك جەلىدە جاريالاعان.
«سولاردى سىناعان ادامنان كوشەنى سىپىرىپ، تازالاپ جۇرگەن قاراپايىم ەڭبەك ادامىنىڭ قوعامعا پايداسى ءجۇز ەسە ارتىق. قولىڭنان ەشتەڭە كەلمەي مە – ەڭ بولماسا جۇمىس ىستەپ جۇرگەن ادامعا تيىسپە. ەڭبەك ەتىپ جاتقان ادام بار عوي، سوعان كەدەرگى جاساما. ال «مەنەن نە پايدا؟» دەۋ – ادامنىڭ ءوزىن تومەندەتۋى»، – دەدى سىرىمبەك تاۋ.

Abai.kz