ساياحات كولىك قالا شەتىنەن شىققان ساتتەن ەمەس، ودان الدەقايدا بۇرىن باستالادى. باعىت ايقىندالىپ، جولدوربا جينالىپ، بەيتانىس ولكەلەردى كورۋگە دەگەن اڭسار اۋعان ءساتتىڭ ءوزى – ساپاردىڭ العاشقى قادامى. Jetour T سەرياسىنداعى T1 جانە T2 مودەلدەرى ءدال وسىنداي ساپارلارعا لايىقتالعان. ولار قالا ىشىندە كۇندەلىكتى جۇرۋگە ىڭعايلى، سونىمەن قاتار ۇيرەنشىكتى باعىتتان شىعىپ، كول جاعاسىنا، تاۋعا، دالاعا نەمەسە ادام اياعى سيرەك تيەتىن تابيعي مەكەندەرگە جول تارتۋعا مۇمكىندىك بەرەدى.

Jetour T1 كولىگى 2,0 ليترلىك، قۋاتى 254 ات كۇشىنە جەتەتىن تۋربوكومپرەسسورلى قوزعالتقىشپەن، 8 ساتىلى اۆتوماتتى بەرىلىس قورابىمەن جانە BorgWarner مۋفتاسى بار XWD ينتەللەكتۋالدى تولىق جەتەك جۇيەسىمەن جابدىقتالعان. كولىكتىڭ جولدان بيىكتىگى – 190 مم. Jetour T2 ۇزاق ساپارعا بۇدان دا كوبىرەك مۇمكىندىك ۇسىنادى. ونىڭ 2,0 ليترلىك قوزعالتقىشىنىڭ قۋاتى – 254 ات كۇشى. جەردەن بيىكتىگى 220 مم. سالونى كەڭ، ال بەرىلىس قورابىنىڭ بىرنەشە نۇسقاسى بار. سونىڭ ىشىندە 7 ساتىلى روبوتتاندىرىلعان قوراپ جانە Explorer جيناقتاماسىنداعى 8 ساتىلى اۆتوماتتى قوراپ قاراستىرىلعان.

الايدا جاقسى جابدىقتالعان كولىكتىڭ ءوزىن قوسىمشا كەرەك-جاراقتاردىڭ كومەگىمەن ساياحاتقا ودان ءارى ىڭعايلاۋعا بولادى.

شاتىر كولىكتى جول ۇستىندەگى شاعىن دەمالىس ورنىنا اينالدىرادى. بۇل اسىرەسە قوناقۇيى نەمەسە ارنايى دەمالىس ورنى جوق شالعاي جەرلەرگە شىققاندا ىڭعايلى. كولىكتىڭ توبەسىنە ورناتىلاتىن شاتىردا تۇنەۋگە بولادى. ونى تەز جيناپ، قايتا ورناتۋعا مۇمكىندىك بار. ءارى سالونداعى ورىندى المايدى. جەر بەدەرى قولايسىز نەمەسە كادىمگى شاتىر قۇرۋعا ىڭعايسىز جەرلەردە دە مۇنداي جابدىقتىڭ پايداسى ۇشان-تەڭىز. بىرنەشە كۇن ىشىندە ءار جەرگە ايالدايتىن ساياحاتشىلار ءۇشىن بۇل — ۋاقىتتى ۇنەمدەيتىن تاپتىرماس شەشىم. شاتىر تاڭداعاندا ونىڭ سالماعىنا، كولەمىنە، قانشا ادامعا شاقتالعانىنا جانە كولىك توبەسىنە رۇقسات ەتىلگەن جۇكتەمەگە نازار اۋدارۋ كەرەك. بۇل جابدىق ناقتى كولىك مودەلىنە، شاتىرداعى جۇك سالعىشقا (باگاجنيككە) جانە جوسپارلانعان ساپار باعىتىنا تولىق ساي بولۋى ءتيىس.

ماركيزا كولىك جانىنان لەزدە كولەڭكەلى ءارى جايلى ورىن جاساۋعا مۇمكىندىك بەرەدى. ول اپتاپ ىستىقتان، سىركىرەگەن جاڭبىردان جانە جەلدەن قورعايدى. ال ايالداعان ساتتە تاماق ازىرلەيتىن، دەمالاتىن نەمەسە دوستارمەن اڭگىمە-دۇكەن قۇراتىن شاعىن بۇرىشقا اينالادى. شاتىر مەن ماركيزانى بىرگە قولدانسا، جول بويىندا شاعىن كەمپينگ ۇيىمداستىرۋعا بولادى. كولەڭكە ىزدەپ اۋرە بولمايسىز، بۇتاق پەن باسقا زاتتاردان ۋاقىتشا كۇركە جاساۋدىڭ دا قاجەتى جوق. توقتاپ، جابدىقتى جايساڭىز بولعانى – دەمالاتىن ورنىڭىز دايىن. كەڭ سالون مەن ۇلكەن جۇكسالعىشتىڭ ءوزى ۇزاق ساپارعا قاجەتتى زاتتاردىڭ ءبارىن سىيعىزا بەرمەيدى. ۇيىقتايتىن قاپتار، شاتىر، جينالمالى ورىندىقتار، تۋريستىك ىدىس، كيىم-كەشەك جانە باسقا دا كەرەك-جاراقتار كولىكتىڭ ءىشىن تەز تولتىرادى.

مۇنداي كەزدە توبەگە ورناتىلاتىن جۇكسالعىش-بوكس كومەكتەسەدى. ول سالونداعى ورىندى بوساتىپ، جولاۋشىلارعا جايلى جاعداي جاساۋعا مۇمكىندىك بەرەدى. زاتتار رەتىمەن ورنالاسىپ، شاڭ مەن جاۋىننان قورعالادى. ال سالوندا جول بويىندا ءجيى قاجەت بولاتىن دۇنيەلەردى ۇستاۋعا بولادى.
قوسىمشا جابدىقتاردىڭ بارلىعى بىردەي ءسان ءۇشىن ورناتىلمايدى. كولىكتىڭ الدىڭعى جانە ارتقى بولىگىن، تابالدىرىقتارى مەن استىڭعى قاڭقاسىن قورعايتىن ەلەمەنتتەر قيىرشىق تاستى جولدا، تاستى وڭىردە نەمەسە ويلى-قىرلى جولمەن جۇرگەن كەزدە كولىكتى ءارتۇرلى زاقىمنان قورعاۋعا كومەكتەسەدى. سونىمەن بىرگە مۇنداي جابدىق كولىكتى ساپارعا بەيىمدەي تۇسەدى.

الايدا كەز كەلگەن قوسىمشا جابدىقتى تاڭداعاندا ونىڭ ناقتى Jetour مودەلىنە سايكەستىگىنە، قالاي بەكىتىلەتىنىنە جانە كولىكتىڭ كليرەنسىنە، سونداي-اق ەڭىسكە ءتۇسۋ مەن ورگە شىعۋ بۇرىشتارىنا قالاي اسەر ەتەتىنىنە ءمان بەرگەن ءجون.

قالادا، تاسجولدا جانە كوپشىلىك تانىمال تابيعي باعىتتاردا كولىكتىڭ شتاتتىق شينالارى جەتكىلىكتى. ال جول بالشىقتى، قۇمدى، تاستى نەمەسە قاتتى بۇلىنگەن بولسا، شينانىڭ ءتۇرى ماڭىزدى بولا تۇسەدى. جول تالعامايتىن كولىكتەرگە ارنالعان شينالاردىڭ پروتەكتورى تەرەڭىرەك، ال ءبۇيىر قابىرعالارى بەرىك بولادى. ولار بوس توپىراقتا، قيىرشىق تاستا جانە بالشىقتا جولدى جاقسىراق ۇستاپ، وتكىر تاستارعا ءتوزىمدى كەلەدى. دەگەنمەن مۇنداي شينالاردىڭ اسفالتتا دىبىسى قاتقىلداۋ بولۋى جانە جانارماي شىعىنىنا ازداپ اسەر ەتۋى مۇمكىن. سوندىقتان شينانى سىرتقى كورىنىسىنە قاراپ ەمەس، ناقتى باراتىن جولىڭىزعا قاراي تاڭداعان ءجون. ارالاس باعىتقا امبەباپ شينا جاراسا، كۇردەلى جولدارعا ءجيى شىعاتىندارعا ارنايى جول تالعامايتىن شينالار قاجەت بولۋى مۇمكىن.

ۇزاق جولدا كولىك كوبىنە تولىق تيەلەدى: جولاۋشىلار، باگاج، سۋ، ءتۇرلى جابدىقتار مەن جانارماي قورى كولىكتىڭ سالماعىن ارتتىرادى. مۇنداي جاعدايدا كۇشەيتىلگەن اسپا كولىككە قوسىمشا سالماقتى سەنىمدى كوتەرۋگە كومەكتەسەدى. ول اۋىر جابدىقتاردى تۇراقتى تۇردە پايدالاناتىن، كوپ زات الىپ جۇرەتىن نەمەسە بىرنەشە كۇنگە جەتەتىن اۆتونومدى ساپارلارعا شىعاتىن ادامدارعا پايدالى بولۋى مۇمكىن. الايدا كولىك اسپاسىن دا مۇقيات تاڭداعان ءجون. بۇل رەتتە جابدىقتىڭ سالماعى، جۇرگىزۋشىنىڭ ادەتى جانە الداعى جولدىڭ سيپاتى ەسكەرىلۋى قاجەت. ساپالى باپتالعان اسپا كولىكتىڭ بيىكتىگىن ارتتىرىپ قانا قويماي، ونىڭ جولداعى تۇراقتىلىعى مەن ىڭعايلىلىعىن قامتاماسىز ەتەدى.

ءار جۇرگىزۋشىگە ۇزاق اۆتونومدى ەكسپەديتسياعا ارنالعان جابدىقتاردىڭ تولىق جيىنتىعى قاجەت ەمەس. دەمالىس كۇندەرى قىسقا ساپارعا شىعاتىندارعا جۇكسالعىش-بوكس پەن ماركيزانىڭ ءوزى جەتكىلىكتى بولۋى مۇمكىن. تاۋدا نەمەسە دالادا تۇنەۋدى جوسپارلاساڭىز، كولىك توبەسىنە ورناتىلاتىن شاتىر قاجەت بولادى. ال كۇردەلى جولدارعا ءجيى شىعاتىندار لايىقتى شينالارعا، قورعانىس جابدىقتارىنا جانە كۇشەيتىلگەن اسپاعا نازار اۋدارعانى دۇرىس. ەڭ باستىسى – ءار جابدىقتى جەكە-جەكە ەمەس، ءبىرتۇتاس جۇيە رەتىندە قاراستىرۋ. قوسىمشا سالماق، توبەگە تۇسەتىن جۇك، كولىكتىڭ جولدان بيىكتىگى جانە اسپاعا تۇسەتىن سالماق ءاۆتوموبيلدىڭ مۇمكىندىگى مەن ساپار ماقساتىنا ساي بولۋى كەرەك.

ساياحاتتىڭ اسەرىن كوبىنە وسىنداي ۇساق كورىنگەن دۇنيەلەر ايقىندايدى. كول جاعاسىندا اتقان تاڭ، اشىق اسپان استىنداعى كەشكى اس، تۋريستىك كارتادا اتى جوق جەرگە اپاراتىن جول جانە الدا ناقتى جوسپاردىڭ بولماۋىنان سەزىلەتىن ەركىندىك. ادامداردى الىس ساپارعا جەتەلەيتىن دە – وسى سەزىم. ال دۇرىس تاڭدالعان قوسىمشا جابدىق مۇنداي ساپاردى جايلىراق، قاۋىپسىزدەۋ ءارى ەستە قالارلىقتاي ەتۋگە كومەكتەسەدى.

Jetour T1 جانە T2 كولىكتەرىنە ارنالعان قوسىمشا جابدىقتاردى قازاقستان بويىنشا رەسمي Jetour ديلەرلىك ورتالىقتارىنان ساتىپ الۋعا بولادى. تولىق اقپاراتتى jetour-auto.kz سايتىنان بىلەسىز.

Abai.kz