قازاقستان رەسپۋبليكاسى پرەمەر-ءمينيسترىنىڭ ورىنباسارى قانات بوزىمباەۆتىڭ توراعالىعىمەن وتكەن ۇكىمەتتىك كوميسسيانىڭ وتىرىسىندا  بىرىنشى كەزەكتەگى تەرگەۋ ءىس-شارالارىنىڭ ناتيجەلەرى جانە بولعان وقيعانىڭ بارلىق سەبەپتەرى مەن ءمان-جايلارىن انىقتاۋ جونىندەگى كەزەكتى قادامدار قارالدى.

قر ىشكى ىستەر ءمينيسترىنىڭ ورىنباسارى سانجار ءادىلوۆتىڭ ايتۋىنشا، قازا بولۋ فاكتىسى بويىنشا قازاقستان رەسپۋبليكاسى قىلمىستىق كودەكسىنىڭ 453-بابىنىڭ 2-بولىگى ("اۋىر زارداپتارعا اكەپ سوققان قىزمەتكە سالعىرت قاراۋ") جانە 465-بابى ("كەمە جۇرگىزۋ قاعيدالارىن بۇزۋ") بويىنشا قىلمىستىق ىستەر قوزعالعان.

"تەرگەۋ بارىسىندا اسكەري قىزمەتشىلەردىڭ قاۋىپسىزدىگىن قامتاماسىز ەتۋگە، وقۋ-جاتتىعۋلاردى ۇيىمداستىرۋعا جانە قۇتقارۋ ءىس-شارالارىن جۇرگىزۋگە بايلانىستى زاڭ بۇزۋشىلىقتارعا جول بەردى دەپ  كۇدىككە ىلىنگەن لاۋازىمدى تۇلعالار انىقتالدى. ولاردىڭ ءىس – ارەكەتتەرىنە قۇقىقتىق باعا بەرىلەدى", - دەدى سانجار ءادىلوۆ.

وقيعادان كەيىن قۇتقارىلعان اسكەري قىزمەتشىنىڭ جاعدايى تۋرالى ماسەلە جەكە قارالدى. دەنساۋلىق ساقتاۋ ۆيتسە-ءمينيسترى ماناس رامازانوۆتىڭ ايتۋىنشا، اسكەري قىزمەتشىنىڭ جاعدايى تۇراقتى، ومىرىنە قاۋىپ ءتونىپ تۇرعان جوق. اسكەري قىزمەتشى ەسىن جيىپ، بارلىق قاجەتتى مەديتسينالىق كومەكتى الىپ جاتىر. جانىندا اتا-اناسى بار.

وتىرىس بارىسىندا قازا تاپقان جانە زارداپ شەككەن اسكەري قىزمەتشىلەردىڭ وتباسىلارىنا جان-جاقتى قولداۋ كورسەتۋ جونىندە ناقتى تاپسىرمالار بەرىلدى. اتاپ ايتقاندا، بارلىق تۇسكەن قاراجاتتى ءبولۋدىڭ ءابسوليۋتتى اشىقتىعىن قامتاماسىز ەتىلەدى. بۇل رەتتە ماتەريالدىق كومەك زاڭدا بەلگىلەنگەن مەملەكەتتىك تولەمدەر مەن وتەماقىلاردى عانا ەمەس، سونىمەن قاتار بيزنەس وكىلدەرى مەن مەتسەناتتار تاراپىنان قارجىلىق قولداۋدى دا قامتيتىن بولادى.

وسى قاراجاتتى شوعىرلاندىرۋ ءۇشىن ارنايى قور اشىلدى. قور قىزمەتىن ماڭعىستاۋ وبلىسىنىڭ اكىمدىگى تۇراقتى باقىلاۋعا الدى.

Abai.kz