30 قىركۇيەك پەن 2 قازان ارالىعىندا الماتىدا «مۇناي جانە گاز» – KIOGE 2026 30-شى مەرەيلى حالىقارالىق كونفەرەنتسياسى مەن كورمەسى وتەدى. ءىس-شاراعا ەنەرگەتيكا مينيسترلىگى، الماتى قالاسىنىڭ اكىمدىگى، «KAZENERGY»، «قازمۇنايگاز»، PSA, IMBC, Energy Monitor, KazService جانە Petrocouncil رەسمي قولداۋ كورسەتەدى.

وتىز جىل بويى KIOGE مۇناي-گاز سالاسىنداعى نەگىزگى كاسىبي الاڭداردىڭ ءبىرى بولىپ كەلەدى. ول مەملەكەتتىك ورگانداردى، ۇلتتىق جانە حالىقارالىق كومپانيالاردى، ءىرى جوبالاردىڭ وپەراتورلارىن، جابدىق وندىرۋشىلەرىن، تەحنولوگيا جەتكىزۋشىلەرىن جانە مۇناي سەرۆيستىك ۇيىمداردى ءبىر الاڭعا بىرىكتىرەدى.

مەرەيلى جىل KIOGE 2026 حالىقارالىق قاتىسۋ اياسىن كەڭەيتەدى. كورمەگە قازاقستان، ازەربايجان، اۆستريا، ۇلىبريتانيا، گەرمانيا، ءۇندىستان، يتاليا، قىتاي، مالايزيا، نيدەرلاند، ءباا، ومان، رەسەي، رۋمىنيا، ساۋد ارابياسى، سينگاپۋر، اقش، تۇركيا جانە وزبەكستاندى قوسا العاندا، 30 ەلدەن 500 كومپانيا قاتىسادى.

ىسكەرلىك باعدارلامانىڭ باستى وقيعاسى – 30 قىركۇيەك پەن 1 قازان كۇندەرى «مەگاجوبالاردان نارىقتارداعى كوشباسشىلىققا: قازاقستان جاھاندىق ەنەرگەتيكالىق تەڭگەرىمدە» تاقىرىبىندا وتەتىن 30-شى KIOGE حالىقارالىق كونفەرەنتسياسى.

كونفەرەنتسيا بارىسىندا الەمدىك ەنەرگەتيكالىق نارىقتىڭ وزگەرىپ جاتقان ارحيتەكتۋراسىنداعى قازاقستاننىڭ ستراتەگيالىق ءرولى، ءىرى مۇناي-گاز جانە ەنەرگەتيكالىق جوبالاردى دامىتۋ، حالىقارالىق تەحنولوگيالىق ىنتىماقتاستىق جانە زاماناۋي شەشىمدەردى ەنگىزۋ ماسەلەلەرى تالقىلانادى.

كونفەرەنتسيانىڭ العاشقى كۇنى سالانىڭ وزەكتى ماسەلەلەرىنىڭ كەڭ اۋقىمىن قامتيدى. «جاھاندىق ينتەگراتسيا: قازاقستاننىڭ جاڭا ەنەرگەتيكالىق تىزبەكتەردەگى ءرولى» پلەنارلىق وتىرىسى اياسىندا قازاقستاننىڭ 2030 جىلدان كەيىنگى كەزەڭدەگى جاھاندىق ەنەرگەتيكالىق كۇن تارتىبىندەگى ورنى، حالىقارالىق تەحنولوگيالىق ارىپتەستىك جانە ستراتەگيالىق ماڭىزى بار پايدالى قازبالار ماسەلەلەرى تالقىلانادى.

جەكەلەگەن سەسسيالار ينتەللەكتۋالدى upstream, گەولوگيالىق بارلاۋ جۇمىستارىن دامىتۋ جانە جاساندى ينتەللەكتىنى قولدانۋ، ەكسپورتتىق لوگيستيكا مەن تاسىمال باعىتتارىنىڭ گەوساياساتى، مۇناي-گاز سالاسىن تسيفرلىق ترانسفورماتسيالاۋ، ESG جانە تومەن كومىرتەكتى دامۋ، سونداي-اق مۇناي-گاز ماشينا جاساۋ جانە مۇناي-حيميا سالالارىنا ارنالادى.

كونفەرەنتسيانىڭ ەكىنشى كۇنى گاز سالاسى مەن گاز حيمياسىن دامىتۋعا، ۇزاق مەرزىمدى ەنەرگەتيكالىق قاۋىپسىزدىك ماسەلەلەرىنە، ەنەرگەتيكالىق تەڭگەرىم مەن سالالىق ساياساتقا باعىتتالادى.

كورمە اياسىندا كومپانيالار تەحنولوگيالىق شەشىمدەرىن، پراكتيكالىق كەيستەرىن، ساتىپ الۋ باعدارلامالارىن جانە مۇناي-گاز سەكتورىمەن ىنتىماقتاستىق مۇمكىندىكتەرىن تانىستىرادى. ەكسپوزيتسيا زاماناۋي تەحنولوگيالاردى تانىستىرۋعا جانە جاڭا ىسكەرلىك بايلانىستار ورناتۋعا مۇمكىندىك بەرەتىن الاڭعا اينالادى.

KIOGE 2026 حالىقارالىق كورمەنى، كاسىبي تاجىريبە الماسۋدى جانە جوعارى دەڭگەيدەگى ستراتەگيالىق ديالوگتى ءبىر الاڭدا توعىستىرادى. مەرەيتويلىق ءىس-شارا مۇناي-گاز جانە ەنەرگەتيكا كەشەنىنىڭ دامۋ پەرسپەكتيۆالارىن تالقىلاۋعا، زاماناۋي تەحنولوگيالاردى تانىستىرۋعا، ىسكەرلىك بايلانىستاردى دامىتۋعا جانە حالىقارالىق ىنتىماقتاستىقتىڭ جاڭا باعىتتارىن قالىپتاستىرۋعا مۇمكىندىك بەرەدى.

Abai.kz