ميانما اسكەري كۇشتەرى كياۋكتاۋ قالاسىنا اۋەدەن سوققى بەرىپ، سالدارىنان 50 ادام قازا تاپتى. قۇرباندار اراسىندا ايەلدەر مەن بالالار بار. سونىمەن قاتار تاعى 58 تۇرعىن ءتۇرلى جاراقات الدى.

بىرىككەن ۇلتتار ۇيىمى ورىن العان قايعىلى وقيعاعا بايلانىستى تەرەڭ الاڭداۋشىلىق ءبىلدىردى. حالىقارالىق قاۋىمداستىق بۇل شابۋىلدى مۇقيات تەرگەۋدى جانە زارداپ شەككەن ايماقتارعا گۋمانيتارلىق كومەكتىڭ كەدەرگىسىز جەتكىزىلۋىن قامتاماسىز ەتۋدى تالاپ ەتۋدە.

بۇدان بولەك، بۇۇ ميانماداعى جالپى قاۋىپسىزدىك احۋالىنىڭ تىم كۇردەلى ەكەنىن مالىمدەپ، مالايزيا بيلىگىنە ەلدەگى جاعداي تۇراقتالعانشا 1,5 مىڭ بوسقىندى كەرى قايتارماۋ تۋرالى ءوتىنىش ءبىلدىردى.

ەسكە سالا كەتەيىك، وسىعان دەيىن مالايزيا بيلىگى ميانمادان كەلگەن بوسقىنداردى ءوز ەركىمەن تاريحي وتانىنا قايتارۋ باعدارلاماسىن باستاعان بولاتىن. قازىرگى تاڭدا مالايزيانى پانالاعان ميانمالىق بوسقىنداردىڭ جالپى سانى 5 مىڭعا جۋىقتايدى.

Abai.kz