2026 جىلعى 29 قىركۇيەكتە  قاراعاندى وبلىسىنىڭ دوستىق ۇيىندە قاراعاندى وبلىسىنان شىققان كورنەكتى ونەر قايراتكەرلەرىنىڭ شىعارماشىلىق مۇراسىن ناسيحاتتاۋعا ارنالعان ەتنوس وكىلدەرى اراسىنداعى «سارىارقا – ءان مەن جىردىڭ مەكەنى» وبلىستىق بايقاۋى ءوتتى.

مادەني ءىس-شارانىڭ نەگىزگى ماقساتى – سارىارقا وڭىرىنەن شىققان كورنەكتى اقىندار، جىراۋلار، كومپوزيتورلار مەن ونەر قايراتكەرلەرىنىڭ شىعارمالارىن كەڭىنەن ناسيحاتتاۋ، ۇلتتىق ونەرگە دەگەن قۇرمەتتى ارتتىرۋ، سونداي-اق ءتۇرلى ەتنوس وكىلدەرى اراسىندا مادەني ساباقتاستىقتى نىعايتۋ.

بايقاۋدىڭ باستى ەرەكشەلىگى – قاراعاندى وبلىسىندا تۇراتىن ءتۇرلى ەتنوس وكىلدەرىنىڭ قازاق حالقىنىڭ رۋحاني-مادەني مۇراسىن شىعارماشىلىق تۇرعىدا دارىپتەۋى. ونەر دوداسى قاتىسۋشىلارعا ۇلتتىق مادەنيەتپەن جاقىنىراق تانىسىپ، شىعارماشىلىق قابىلەتتەرىن تانىتۋعا جانە ءوزارا مادەني بايلانىستاردى نىعايتۋعا مۇمكىندىك بەردى.

مەرەكەلىك باعدارلامانى ق. بايجانوۆ اتىنداعى كونتسەرتتىك بىرلەستىكتىڭ حالىقارالىق كونكۋرستاردىڭ لاۋرەاتى «اققۋ» فولكلورلىق-حورەوگرافيالىق ءانسامبلى جانە «مادەنيەت سالاسىنىڭ ۇزدىگى»، ق. بايجانوۆ اتىنداعى كونتسەرتتىك بىرلەستىكتىڭ ءانشىسى گۇلبانۋ سەرىكوۆا اشتى.

بايقاۋدىڭ اشىلۋ سالتاناتىندا قاراعاندى وبلىسى ىشكى ساياسات باسقارماسىنىڭ «قوعامدىق كەلىسىم» مەملەكەتتىك مەكەمەسى ديرەكتورىنىڭ مىندەتىن اتقارۋشى گۇلنار قاليقىزى كاسەمباەۆا قاتىسۋشىلارعا قۇتتىقتاۋ ءسوز سويلەدى.

بايقاۋعا قاتىسۋشىلاردىڭ ونەرىن قازاقستان رەسپۋبليكاسىنىڭ ەڭبەك سىڭىرگەن ۇستازى كۇلىش تولەۋحانقىزى تولەۋحانوۆا، قاراعاندى وبلىسىنىڭ «احىسكا» تۇرىك ەتنومادەني بىرلەستىگىنىڭ مۇشەسى ۆەرونيكا ۆلاديميروۆنا ۋز جانە حالىقارالىق ءارى رەسپۋبليكالىق كونكۋرستاردىڭ لاۋرەاتى، تاتتىمبەت اتىنداعى ونەر كوللەدجىنىڭ ەسترادا ءبولىمىنىڭ وقىتۋشىسى گۇلزار ادىلعازىقىزى ابدۋاليەۆا باعالادى.

بايقاۋ ەكى شىعارماشىلىق باعىت بويىنشا ۇيىمداستىرىلدى.

«ولەڭمەن ورىلگەن ولكە رۋحى» نوميناتسياسىندا قاتىسۋشىلار قاراعاندى وبلىسىنان شىققان قازاقتىڭ كورنەكتى اقىندارى مەن جىراۋلارىنىڭ شىعارمالارىن مانەرلەپ وقىدى.

نوميناتسيا بويىنشا جۇلدەگەرلەر:

I ورىن – اليا دجاپاروۆا

II ورىن – ۆيكتوريا ەسترەمسكايا، نيل يىلماز

III ورىن – مارك ۋرنياۆيچۋس.

ال «ارقا ءانى – ۇلتتىڭ ءۇنى» نوميناتسياسىندا قاتىسۋشىلار قاراعاندى وڭىرىندە دۇنيەگە كەلگەن كورنەكتى قازاق كومپوزيتورلارىنىڭ اندەرىن ورىندادى.

نوميناتسيا بويىنشا جۇلدەگەرلەر:

I ورىن – تاتيانا سارانگوۆا

II ورىن – ۆالەريا رۋبان-تسوي

III ورىن – ولەسيا پادالكا.

«سارىارقا – ءان مەن جىردىڭ مەكەنى» وبلىستىق بايقاۋى قازاق حالقىنىڭ باي رۋحاني مۇراسىن ءتۇرلى ەتنوس وكىلدەرى اراسىندا كەڭىنەن ناسيحاتتاپ، ونەر ارقىلى قوعامدىق كەلىسىم مەن مادەني ساباقتاستىقتىڭ ماڭىزىن ايقىنداعان تاعىلىمدى مادەني شارا بولدى.

Abai.kz