بوكستاعى بىلىقتاردى كورىپ جاتسىزدار. كەشە سول نارسەنى جازىپ ەدىم، «حالىق جاۋى» بولىپ كەتتىم. ءيا، مەن-اق جامان بولايىن. بىراق، اقيقات ايتىلۋى كەرەك!

ءبىر كىسىنىڭ (گولوۆكيندى مەڭزەپ وتىر – رەد.) الەمدىك بوكس تىزگىنىن العانىنا ءبىر جىل بولدى. و، باستا ءبارى اشىق ءارى ءادىل بولادى، سپورتشىلار قۇقىعى قورعالادى دەگەن مالىمدەمە جاسالدى. بىراق، ناقتى ىسكە كەلگەندە ءۇش بوكسشىمىزدىڭ جەڭىسى ۇرلاندى. كوزىنشە ۇرلاندى. جۇيە ءالى رەتتەلمەدى. تورەلىك ءالى تازالانبادى. ونىڭ ۇستىنە، كوزىمىزدى باقىرايتىپ قويىپ، «ال، نە ىستەي الاسىڭدار، قازاقتار؟»  دەگەنگە كەلتىرىپ تۇر.

تورەشى دەمەكشى، مۇندا بىردە-ءبىر قازاق تورەشى جوق. گۆاتەماللا، شري-لانكا، ارگەنتينادان الدىرىپتى. ول ەلدەردە جالپى بوكس بولىپ پا ەدى؟ ول ەلدەردە ءبىزدىڭ مامانداردى ىسىرىپ تاستاپ، تاپ سولارعا «اكتسەنت» جاسايتىنداي رەفيريلەر بار ما ەدى؟ ازيا ەلدەرىنەن دەسەڭىز، وزبەگىڭ بار، تاجىگىڭ بار، جاپونىڭ بار، ءبارى تورەلىك ەتىپ ءجۇر. قازاق قانا جوق. بۇل نە ماسقارا؟

بۇگىن «پروتەست» بەرىلىپتى. ول قارالمايدى عوي. قارالعاننىڭ وزىندە، جەڭىس قايتپايدى. ءوز-ءوزىمىزدى نەگە الدايمىز؟ قازاق قىز جىگىتتەرى بارىن دا، جانىن دا سالىپ توبەلەسىپ جاتىر. جەڭىلگەندەرى جەڭىلدى. ال، ەندى ۇشەۋىنىڭ جەڭىسى تازا ۇرلاندى. ءبىر وكىنىشتىسى، ەشتەڭە ىستەي المايمىز.

كەشە دە ايتتىم عوي. سىندى دۇرىس قابىلداپ، ناقتى ىسپەن اينالىسۋ كەرەك. مەنىمەن الىسقانشا، تورەشىلەرمەن الىسىڭدار، جۇيەمەن الىسىڭدار. مەنى جەڭەرسىڭدەر. ال، انا جاقتا ەسەمىز كەتسە، نە قايىر؟! سولاردىڭ بەتىنە «بەزستىيجىي» دەپ ايتىپ، جەمقورلىققا باتقانداردىڭ جەلكەسىن ءتۇيىپ، بىلىققا باتقانداردىڭ كوزىن قۇرتۋ كەرەك! تىزگىندى الدىڭ با، مىقتاپ تۇرىپ جۇمىس ىستەۋ كەرەك! قازاق بوكسشىلارى مەن باپكەرلەرىنىڭ ەڭبەگى ەش كەتپەۋ كەرەك! ولار جەكپە-جەكتەن كەيىن جاۋتەڭدەپ، جەتىمنىڭ كۇيىن كەشپەۋ كەرەك! وتە وكىنىشتى…

اسلان قاجەنوۆ، سپورت ءجۋرناليسى

Abai.kz