كاسپيدەگى وقۋ-جاتتىعۋ كەزىندە اسكەري قىزمەتشىلەردىڭ قازا بولۋ ءىسى بويىنشا 300-دەن استام ادامنان جاۋاپ الىندى...

ماڭعىستاۋ وبلىسىنداعى وقۋ-جاتتىعۋ كەزىندە اسكەري قىزمەتشىلەردىڭ قازا بولۋ فاكتىسى بويىنشا 300-دەن استام ادامنان جاۋاپ الىنىپ، 30-دان استام سوت ساراپتاماسى مەن زەرتتەۋ جۇرگىزىلدى، دەپ حابارلايدى باس پروكۋراتۋرانىڭ ءباسپاسوز قىزمەتى.

«ماڭعىستاۋ وبلىسىنداعى وقۋ-جاتتىعۋ كەزىندە اسكەري قىزمەتشىلەردىڭ قازا بولۋ فاكتىسى بويىنشا ءىىم اسكەري-تەرگەۋ ورگاندارى قىلمىستىق ءىستى تەرگەۋدى جالعاستىرۋدا. ورىن العان قايعىلى وقيعانىڭ بارلىق ءمان-جايىن جان-جاقتى ءارى وبەكتيۆتى انىقتاۋعا باعىتتالعان تەرگەۋ ارەكەتتەرىنىڭ كەشەنى جۇرگىزىلدى. بۇگىنگى تاڭدا 300-دەن استام ادامنان جاۋاپ الىنىپ، 30-دان استام سوت ساراپتاماسى مەن زەرتتەۋ جۇرگىزىلدى»، – دەلىنگەن بەيسەنبىدەگى حابارلامادا.

تەرگەۋ شەڭبەرىندە سوت قىزمەتكە سالعىرت قارادى جانە كەمە جۇرگىزۋ ەرەجەلەرىن بۇزدى دەپ كۇدىكتەلگەن سەگىز لاۋازىمدى تۇلعانى قاماۋعا الۋدى سانكتسيالادى. ولاردىڭ قاتارىندا قارۋلى كۇشتەر اسكەري-تەڭىز كۇشتەرىنىڭ باس قولباسشىسى، ونىڭ ءبىرىنشى ورىنباسارى مەن جاۋىنگەرلىك دايارلىق جونىندەگى ورىنباسارى، ەكى اسكەري ءبولىمنىڭ، تەڭىز جاياۋ اسكەرلەرى باتالونى مەن روتاسىنىڭ كومانديرلەرى، سونداي-اق كاتەر كاپيتانى بار.

قر قىلمىستىق-پروتسەستىك كودەكسىنىڭ 201-بابىنا سايكەس سوتقا دەيىنگى تەرگەپ-تەكسەرۋدىڭ وزگە مالىمەتتەرى جاريا ەتۋگە جاتپايدى.

ۆەدومستۆودا جاقىن ارادا تەرگەۋ ارەكەتتەرىن اياقتاۋ جانە قىلمىستىق پروتسەسس قاتىسۋشىلارىنا ءىس ماتەريالدارىمەن تانىسۋعا مۇمكىندىك بەرۋ جوسپارلانىپ وتىرعانىن مالىمدەدى.

تەرگەۋ بارىسى باس پروكۋراتۋرانىڭ ەرەكشە باقىلاۋىندا ەكەنى اتاپ وتىلەدى.

Abai.kz