الماتى قالاسىندا «حالىقتىڭ ساياسي مادەنيەتىن ارتتىرۋعا باعىتتالعان تاقىرىپتىق ءىس-شارالار وتكىزۋ» الەۋمەتتىك جوباسى ءساتتى قورىتىندىلاندى. اتالعان اۋقىمدى باستاما الماتى قالاسى ىشكى ساياسات باسقارماسىنىڭ تاپسىرىسىمەن جانە «جاستار ءۇنى» رەسپۋبليكالىق قوعامدىق بىرلەستىگىنىڭ ۇيىمداستىرۋىمەن جۇزەگە اسىرىلدى. جوبانىڭ باستى ماقساتى — قالا تۇرعىندارىنىڭ ساياسي ساۋاتتىلىعىن ارتتىرۋ، ازاماتتىق بەلسەندىلىكتى دامىتۋ جانە جەرگىلىكتى بيلىك وكىلدەرى مەن تۇرعىندار اراسىندا اشىق ديالوگ الاڭىن قۇرۋ.

جوبا اياسىندا شاھار تۇرعىندارى مەن جاستار اراسىندا پىكىرتالاستار، ءتۇسىندىرۋ كەزدەسۋلەرى مەن ساراپشىلىق سەسسيالار توپتاماسى وتكىزىلدى. ۇيىمداستىرۋشىلاردىڭ ايتۋىنشا، مۇنداي شارالار ازاماتتاردىڭ مەملەكەتتىك باسقارۋ جۇيەسىن تۇسىنۋىنە جانە ءوز قۇقىقتارى مەن مىندەتتەرىن تەرەڭىرەك ۇعىنۋىنا زور ىقپال ەتەدى.

Abai.kz